Niaklajeŭ abiacaje, što jaho pieršy zakon budzie pra biźnies
Pieršy zakon, jaki padpiša lidar kampanii «Havary praŭdu!» Uładzimir Niaklajeŭ u vypadku abrańnia jaho prezidentam, budzie zakon ab małym i siarednim biźniesie. Pra heta jon zajaviŭ 8 kastryčnika napres-kanfierencyi ŭ Minsku.
Pavodle mierkavańnia Niaklajeva, dla madernizacyi ekanomiki nieabchodna stvareńnie novych pracoŭnych miescaŭ. «Skaračajučy nierentabielnyja pradpryjemstvy, my pavinny stvarać novyja pracoŭnyja miescy. Ciapier ułada pracuje faktyčna suprać ekanomiki. Što značyć najmańnie indyvidualnymi pradprymalnikami pracaŭnikoŭ nie bolš čym troch čałaviek? Navošta abmiažoŭvać ludziej u tym, kab jany stvarali novyja pracoŭnyja miescy?» — zadaŭsia pytańniem Niaklajeŭ.
Jak ličyć palityk, takija abmiežavańni ŭ adnosinach da pradprymalnikaŭ uvodziacca tamu, što mały i siaredni biźnies ujaŭlaje realnuju niebiaśpieku dla ŭłady. «Narmalny, jeŭrapiejski zakon ab małym i siarednim biźniesie daść mahčymaść pradprymalnikam zarablać stolki, kolki jany mohuć zarabić i stać zamožnymi. A što takoje svaboda? Svaboda — heta najpierš materyjalnaja zabiaśpiečanaść. Kali ŭ čałavieka jość svoj dom, jon materyjalna niezaležny ad dziaržavy, im składana manipulavać. Jon užo nie ŭdzielničaje ŭ hulni dziaržavy, jaho niemahčyma prymusić, naprykład, hałasavać tak, jak vyhadna kamuści. Jon užo sam vybiraje, za kaho hałasavać», — skazaŭ Niaklajeŭ.
Tamu lidar kampanii «Havary praŭdu!» dałučyŭsia da zapatrabavańnia raspracavać zakon ab małym i siarednim biźniesie z ulikam mierkavańnia pradprymalnikaŭ i padčas
Nahadajem, 8 kastryčnika aktyvisty pradprymalnickaha ruchu pieradaduć u Administracyju prezidenta 10 tysiač podpisaŭ za pryniaćcie zakona ab małym i siarednim biźniesie z ulikam prapanoŭ pradprymalnikaŭ. Podpisy byli sabranyja sumiesnymi namahańniami arhkamiteta pa stvareńni hramadskaha abjadnańnia «Za svabodnaje raźvićcio pradprymalnictva» i kampanijaj «Havary praŭdu!».
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary