Šaternik: «Ja maru stvaryć pomnik našaj niezaležnaści»
16 kastryčnika słynny skulptar adśviatkavaŭ 70-hodździe.
16 kastryčnika70-hodździe adśviatkavaŭ skulptar, žyvapisiec, siabra mastakoŭskaj supołki «Pahonia» Aleś Šaternik.
Aŭtar pomnikaŭ Rahniedzie, Usiasłavu Čaradzieju, Tadevušu Kaściušku dy mnohim inšym vybitnym biełaruskim asobam maryć ubačyć u centry stalicy hałoŭny tvor svajho žyćcia — skulpturnuju kampazycyju, jakaja adlustruje šlach naroda da svajoj niezaležnaści.
Aleś Šaternik — asoba sa šmathrannym talentam, zaznačaje staršynia mastakoŭskaj supołki «Pahonia» Aleś Maračkin.
Moj siabra Aleś Šaternik — čałaviek universalny. Jamu paduładnaja nia tolki skulptura, ale i žyvapis. Hetyja tvory davoli cikavyja i majuć u hledača pośpiech, tamu što heta taki neaimpresijanizm. Nu, a
Namieśnik staršyni Sajuzu mastakoŭ Biełarusi Siaržuk Cimochaŭ dadaje:
«Aleś Šaternik — heta najpierš nadzvyčaj cikavaja asoba, vielmi vysokaha ŭzroŭniu mastak i skulptar, jaki zaŭsiody moža adhuknucca na niejkuju prapanovu, jakaja datyčyć našaj histaryčnaj spadčyny, našaj historyi. Samyja najlepšyja ŭražańni ad hetaj asoby i samyja ščyryja vinšavańni».
Mastactvaznaŭca Taciana Haranskaja padkreślivaje hłybinnuju nacyjanalnuju admietnaść tvorčaści Alesia Šaternika.
«Jon adzin ź niamnohich biełaruskich tvorcaŭ, jakija na praciahu svajho žyćcia nikoli i nijak nia zdradžvali biełaruskaści. Jon nia prosta stvaraŭ vobrazy biełaruskich vydatnych asobaŭ, histaryčnych i sučasnych dziejačaŭ kultury, a jon zaŭždy kožnym svaim vobrazam hareŭ, kali stvaraŭ jaho. Tamu jaho tvory zaŭždy kranajuć serca, kranajuć dušu. Jon pieršy stvaryŭ manumentalny skulpturny vobraz Rahniedy, jaki mierkavałasia ŭstalavać u Zasłaŭi ŭ dni tysiačahodździa horada».
Pomnik Rahniedzie, jak i memaryjalnyja šyldy dla budynkaŭ, dzie była abvieščanaja Biełaruskaja Narodnaja Respublika i dzie pracavała pieršaja navukovaja ŭstanova krainy — Inbiełkult, jak i Zvon Svabody i šmat jakija inšyja tvory Alesia Šaternika, zroblenyja ŭ pieršaj pałovie
«Biełarusi nie chapaje takoha manumenta pra našu niezaležnaść».
Red. Redakcyja «Našaj Nivy» dałučajecca da vinšavańniaŭ hetamu dužamu, mahutnamu čałavieku. Mnohaja leta!
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary