Staršynia CVK: «Nichto z pradstaŭnikoŭ štaboŭ nie vykazvaŭ pretenzij nakont formy praviadzieńnia televizijnych debataŭ». Apazicyja: My asabista zajaŭlali Jarmošynaj ab nieabchodnaści debataŭ užyvuju.
Staršynia CVK: «Nichto z pradstaŭnikoŭ štaboŭ nie vykazvaŭ pretenzij nakont formy praviadzieńnia televizijnych debataŭ». Apazicyja: My asabista zajaŭlali Jarmošynaj ab nieabchodnaści debataŭ užyvuju.
Staršynia CVK, Lidzija Jarmošyna, zajaviła na
«NN» pacikaviłasia ŭ kiraŭnikoŭ inicyjatyŭnych hrup niekatorych kandydataŭ. Ci nasamreč jany zhodnyja z praviadzieńniem debataŭ u zapisie. Akazałasia, što heta zusim nie tak.
Alaksiej Janukievič, kiraŭnik pieradvybarčaha štabu Ryhora Kastusiova, skazaŭ «Našaj Nivie», što zapis debataŭ — «heta śmiešnaja prapanova». «My nieadnarazova zajaŭlali publična, što debaty treba pravodzić u žyvym efiry.
Zapis debataŭ — heta režysura nieabchodnaj karcinki»,— zajaviŭ spadar Janukievič.
Takoj dumki trymajecca i kiraŭnik inicyjatyŭnaj hrupy kandydata ad BCHD Pavieł Sieviaryniec: «Zapis — heta cyrk. My razhladajem mahčymaść udziełu ŭ debatach tolki ŭ tym vypadku, kali heta buduć debaty ŭ žyvym efiry, z udziełam Łukašenki. Ja viedaju, jakimi mietadami pracuje BT. Maju cełuju kalekcyju filmaŭ ab sabie, zroblenych na hetym kanale. Tamu my nie pahadžajemsia z debatami ŭ zapisie i nie chavajem hetaha». P.Sieviaryniec taksama zaznačyŭ, što ličyć pisańnie zajavaŭ u CVK pustym marnavańniem času. Ale «kali my trapim na pasiedžańnie CVK, to abaviazkova budziem havaryć ab nieabchodnaści praviadzieńnia debataŭ u žyvym efiry», — kaža Sieviaryniec.
U štabie Uładzimira Niaklajeva zajava Lidzii Jarmošynaj vyklikała śmiech.
Kiraŭnik inicyjatyŭnaj hrupy Niaklajeva Andrej Dźmitryjeŭ, zaznačyŭ, što asabista zajaŭlaŭ Jarmošynaj ab nieabchodnaści praviadzieńnia debataŭ užyvuju: «My patrabavali hetaha padčas razhladu skarhi na našu inicyjatyŭnuju hrupu.Ličym, što možna brać udzieł tolki ŭ žyvych debatach. Kali heta budzie zapis, to sensu ŭ ich niama».
Nie bačyć sensu ŭ praviadzieńni teledebataŭ u zapisie i pres-sakratar Andreja Sańnikava Alaksandr Atroščankaŭ. «Viadoma, my vystupajem za praviadzieńnie debataŭ u žyvym efiry», — zajaviŭ Atroščankaŭ.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj33
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary