Pasoł Turkmenistanu: Turkmenskaje i biełaruskaje razumieńni demakratyi supadajuć

U vializnym interviju spadar pasoł siarod inšaha raskazaŭ pra biełaruska-turkmenskija padabienstvy ŭ razumieńni demakratyi:

«Narod Turkmenistanu i jahonyja siabry sustrakajuć 15-ju hadavinu niezaležnaści ŭ abstanoŭcy miru, stvaralnaj pracy i adzinsta. I takoje stanovišča nie zadavalniaje tych, chto lubić łavić rybku ŭ mutnaj vadzie. Ja nia pamiataju analahaŭ nia tolki na postsavieckaj prastory, ale i va ŭsim śviecie takomu instytutu narodaŭładździa, jak Chałk Masłachty – Narodnaja Rada. Heta najvyšejšy orhan narodnaj ułady, jaho delehatami źjaŭlajucca členy kabinetu ministraŭ, deputaty medžlisu (parlamentu), pieršyja asoby hienhiešlikaŭ (radaŭ) viosak, rajonaŭ, haradoŭ, abłaściej. Ich bolš za 2500 čałaviek. Na Chałk Masłachty, jaki pravodzicca nia tolki ŭ stalicy, ale i ŭ inšych haradach, prymajucca losavyznačalnyja dla krainy rašeńni, takija jak prahramy sacyjalna-ekanamičnaha raźvićcia da 2010 hodu, da 2020 hodu dy inšyja. Narodnyja źjezdy, na jakich šyroka pradstaŭlenyja najbolš hodnyja ludzi kariny, jak prajava najvyšejšaj stupieni demakratyi, praktykujucca i ŭ blizkaj nam pa duchu Respublicy Biełarusi».

Pasoł taksama akreśliŭ ahulnaść padychodaŭ da razumieńnia «demakratyi» i «dyktatury» ŭ dźviuch krainach:

«Heta što da “dyktatury” i “niedemakratyčnaści”, pra jakija lubiać parazvažać niadobrasumlennyja žurnalisty. Kali ž my źvierniemsia da praktyčnych spraŭ va ŭsich sferach čałaviečaha žyćcia, to ŭbačym, što ad takoj “dyktatury” narodu žyviecca nia tolki materyjalna i duchova značna lepiej, čymści pry razhule “demakratyi”, ale i značna biaśpiečniej. Turkmenistan i Respublika Biełaruś – suverennyja dziaržavy z šmatvektarnaj źniešniaj palitykaj i sacyjalna-aryjentavanaj ututranaj ekanamičnaj palitykaj. U hetych dziaržavach instrukcyja da dziejańnia ŭradu – dyktatura intaresaŭ narodnych mas, a nia kupki aliharchaŭ-“prychvatyzataraŭ”. Ni ŭ Turkmenistanie, ni ŭ Biełarusi nie dazvalajuć “prychvatyzavać” stvoranyja pracaj narodu pradpryjemstvy i nietry rodnaj ziamli, bo jany naležać usiamu narodu».

Raskazaŭ Vialdžanaŭ i pra hrandyjoznyja plany i dasiahnieńni turkmenskaha ładu, pra turkmenski «Dysnejłend» i rukatvornuju turkmenskuju «Śvisłač»:

«…Palapšeńnie ŭmovaŭ žyćcia i pavyšeńnie dabrabytu narodu – voś ścisłaja charaktarystyka praktyčnych spraŭ u Turkmenistanie da 15-j hadaviny niezieležnaści. Pryviadu tolki niekatoryja ličby.

Rost VUP ad pačatku 1995 hodu składaje ad 18% da 22% štohod. Budujucca darohi, žyllo, abjekty fizyčnaha i maralnaha azdaraŭleńnia, teatry, muzei, parki adpačynku, miačety, cerkvy i bahata čaho inšaha. Usie hetyja abjekty ŭzvodziacca za košt biudžetu, jaki farmujecca dziaržaŭnaj manapolijaj na nietry i haliny narodnaj haspadarki, jakija źjaŭlajucca stanavym chrybietam dziaržavy. U jakaści prykładu hrandyjoznaści nia tolki planaŭ, ale i realnych spraŭ mahu infarmavać čytačoŭ pavažanaha štotydniovika «7 dniej», što napiaredadni 15-j hadaviny niezaležnaści Turkmenistanu tolki ŭ Ašhabadzie buduć uviedzienyja 44 novyja abjekty. Asnoŭnuju ich častku składuć žyłyja damy pavyšanaj kamfortnaści. Adkryjucca najbujniejšy ŭ rehijonie analah “Dysnejłendu” pad nazvaj “Śviet turkmenskich kazak”, akvapark, kanatnaja daroha. Buduć uviedzienyja novyja budynki Nacyjanalnaj biblijateki, Kulturnaha centru, Nacyjanalnaha moładzievaha teatru imia Ałp Arsłana, Pałac ščaścia imia Hieroja Turkmenistanu Hurbansałtan Nijazavaj. Pra hetuju ŭnikalnuju pabudovu chaciełasia b skazać asobna.

Sioleta ŭ stalicy źjaviłasia 11-kilametrovaja rukatvornaja raka z hidraparkam, jakaja pierasiakaje ŭvieś horad i ŭražvaje svajoj pryhažościu. Pra takuju vodnuju arteryju turkmeny maryli daŭno».

Całkam abjomistaje interviju z pasłom Turkmenistanu ŭ Biełarusi Illom Vialdžanavym vy možacie pračytać u hazecie «7 dniej» .

• 0
• 0
• 0
• 0
• 0
• 0
• 0
• 0