Andreja Kusielčuka, jaki źjaŭlajecca pamočnikam Alaksandra Milinkieviča, zatrymali ŭ Horadni ŭ minułuju niadzielu. Jaho dastavili ŭ Kastryčnicki rajadździeł milicyi, dzie ŭ specpryjomniku jon pravioŭ noč ź niadzieli na paniadziełak. Siońnia ŭ Kastryčnickim rajonnym sudzie Horadni jaho pakarali aryštam na troje sutak, adny ź jakich jon užo adbyŭ za kratami.
Andreja Kusielčuka, jaki źjaŭlajecca pamočnikam Alaksandra Milinkieviča, zatrymali ŭ Horadni ŭ minułuju niadzielu. Jaho dastavili ŭ Kastryčnicki rajadździeł milicyi, dzie ŭ specpryjomniku jon pravioŭ noč ź niadzieli na paniadziełak. Siońnia ŭ Kastryčnickim rajonnym sudzie Horadni jaho pakarali aryštam na troje sutak, adny ź jakich jon užo adbyŭ za kratami.
Na spadara Kusielčuka byŭ składzieny pratakoł pavodle artykułu 156 administracyjnaha kodeksu — za drobnaje chulihanstva. Zatrymańnie było dla jaho niečakanym. Jak heta adbyłosia, Andrej Kusielčuk siońnia raskazaŭ Svabodzie.
(Kusielčuk: ) «Učora na aŭstancyi ŭ Horadni ja byŭ zatrymany dvuma supracoŭnikami specsłužbaŭ, jakija hruba zakrucili mnie ruki, vyvieli z aŭtobusu, uziali maje klučy ad mašyny, adčynili niezakonna mašyny, ahledzieli što znachodzicca ŭ bahažniku, što ŭ samoj mašynie. Jany vyklikali milicyjantaŭ, jany pryjechali i dastavili mianie ŭ Kastryčnicki RAUS. Tam adrazu stali hladzieć mašynu, ja paprasiŭ, kab spačatku skłali pratakoł zatrymańnia, a potym — pastanovu ab ahladzie mašyny, kab usio adbyvałasia zhodna z pracesualnym zakanadaŭstvam».
Paśla taho, jak milicyjanty ahledzieli mašynu, jany skłali pratakoł zatrymańnia. Pavodle jaho, Andrej Kusielčuk nibyta niecenzurna łajaŭsia na aŭtavakzale. Siońnia jon źviarnuŭ uvahu sudu na toje, što ŭ žurnale dziažurnaha rajadździełu milicyi była napisana adna pryčyna zatrymańnia, a ŭ pratakole paznačana zusim inšaja.
Paśla abiedu była pradstaŭlenaja vypiska z hetaha žurnału. Andrej Kusielčuk nazvaŭ jaje sfalšavanaj: u joj było paznačana, što jaho zatrymali za pieravozku drukavanaj pradukcyi niavyznačanaha ŭzoru, a taksama za łajanku.
Kala 18 hadzinaŭ sudździa Andrej Kavalčuk pakaraŭ Andreja Kusielčuka 3-ch dzionnym aryštam — z farmuloŭkaj mienavita za niecenzurnuju łajanku.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary