Pra heta staršynia praŭleńnia FK BATE Anatol Kapski raspavioŭ u intervju haziecie «Priessboł».
Pra heta staršynia praŭleńnia FK BATE Anatol Kapski raspavioŭ u intervju haziecie «Priessboł».
«Užo niekalki hadoŭ u nas stabilny biudžet. Jon nie kazačny, nie skažu, što BATE raptoŭna staŭ vielmi bahatym. Prosta my navučylisia pracavać z tych srodkaŭ, jakija pastupajuć pa ŭkazie prezidenta. Z razumieńniem, što hetych srodkaŭ na ŭsio nie chopić — i, kab ruchacca dalej, nieabchodna zarablać samim.
U apošnija hady adsotkaŭ na 70–75 kłub zabiaśpiečvaje siabie sam.
Za košt pastupleńniaŭ srodkaŭ z UEFA, prodažu kamiercyjnych pravoŭ, rekłamnaj dziejnaści, tranśfiernych apieracyj.
Hadavy biudžet u miežach 5–6 młn jeŭra. Kali ledź bolš, kali — mienš. U zaležnaści ad taho, jakija kłub robić nabytki ŭ mižsiezońnie. Ale nie mienš za 20 młrd rubloŭ kožny hod. Na Lizie čempijonaŭ BATE zarabiŭ bolš za 6 młn jeŭra. A ŭ cełym za toj hod čysty prybytak kłuba pieravysiŭ siem miljonaŭ.
(…)
Našy viadučyja hulcy — heta ludzi, jakija zasłužyli svaje kantrakty. Takich chłopcaŭ mała. Ich hadavy dachod — krychu bolš za sto tysiač dalaraŭ. Čystymi. Biez premijalnych. Ale, padkreślivaju, heta lidary. Pobač ź imi na pole vychodziać futbalisty, zarobak u jakich mienšy.
U niekatorych jon nie pieravyšaje i tysiačy dalaraŭ. Ale hrošy — sprava nažyŭnaja.
Pakazalny ŭ hetym sensie prykład Bahi. U ciapierašnim siezonie Dzima mocna dadaŭ. Vydatna hulaje ŭ važnych, pryncypovych matčach. Univiersał. Zaraz naohuł staŭ publičnaj fihuraj. Pra jaho šmat kažuć, žurnalisty intervju biaruć — i atrymlivajuć, što charakterna, nietryvijalnyja, razumnyja adkazy. Nam byŭ viadomy patencyjał chłopca. U vyniku, dačakaŭšysia prahresu i jaho acaniŭšy, što zrabili? Pierahledzieli kantrakt, padoŭžyli jaho — na palepšanych umovach. I siońnia Dzima zarablaje bolš, u tym liku i na ŭłasnaje žyllo.
Anałahičny padychod praktykujecca ŭ adnosinach da ŭsich hulcoŭ BATE. Jany viedajuć, jakija prystupki nieabchodna prajści, kab vyjści na peŭny ŭzrovień apłaty pracy. Nie adkryju sakretu, kali skažu, što ŭ našych futbalistaŭ kantrakty lepšyja, čym u bolšaści ich kalehaŭ u čempijanacie Biełarusi. Ale kali paraŭnoŭvać ź inšymi vidami sportu, to našy hulcy vartyja bolšaha».
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary