Sustaršynia BCHD raspavioŭ «Našaj Nivie» pra toje, jak adbyvaŭsia efir na BT.
Sustaršynia BCHD raspavioŭ “Našaj Nivie” pra toje, jak adbyvaŭsia efir na BT.
22 listapada Pieršy kanał (BT) pačaŭ pakazvać vystupy kandydataŭ u prezidenty. Pieršymi byli pakazanyja vystupy Vitala Rymašeŭskaha i Alesia Michaleviča.
Vital Rymašeŭski svaim vystupam zastaŭsia zadavoleny: «Ad vizitu na BT zastalisia zbolšaha pazityŭnyja ŭražańni, adno što žurnalisty tam niejkija zašuhanyja. Pierad pačatkam efiru da mianie padyšła namieśnica kiraŭnika BT i prapanavała padpisać niejkija papiery ab adkaznaści za źmiest majoj pramovy. Ja admoviŭsia ŭ rezkaj formie. Jašče nie zadavoliła toje, što kamanda, jakaja mianie zdymała, nie była padrychtavanaja. Admovilisia aśviatleńnie źmianić, kali my ich paprasili. Adnak u cełym nie skazaŭ by, što pačuvaŭsia dyskamfortna. Svaim vystupam zadavoleny».
Vital Rymašeŭski taksama zaznačyŭ, što ŭ niezaležnych ŚMI brakavała infarmacyi ab vystupach apazicyjnych kandydataŭ. «U hetym płanie my jašče nie hatovyja da demakratyi. Treba vykarystoŭvać lubuju mahčymaść, kab danieści da ludziej svaje idei. U tym liku i praz vystupy na telebačańni», — zaznačyŭ jon.
Infarmacyju ab vystupach niezaležnych kandydataŭ možna pabačyć tut.
Kamientary