95-hadovy režysior Marya Maničeli skončyŭ žyćcio samahubstvam
Režysior adnojčy skazaŭ, što «žyćcio nie zaŭsiody zasłuhoŭvaje taho, kab jaho doŭžyć».
Adzin z samych viadomych italjanskich režysioraŭ i scenarystaŭ,95-hadovy Marya Maničeli, učora skončyŭ žyćcio samahubstvam u lakarni ŭ Rymie.
Jon skoknuŭ z šostaha pavierchu budynka, dzie čakaŭ apieracyi na prastacie. Maničeli ličycca majstram italjanskaj kamiedyi.
Zhadvajučy śmierć svajho baćki, jaki zabiŭ siabie nieŭzabavie paśla vajny, režysior adnojčy skazaŭ, što «žyćcio nie zaŭsiody zasłuhoŭvaje taho, kab jaho doŭžyć». «Kali ŭsio pierastaje być sapraŭdnym i vartym, usio zakančvajecca», — kazaŭ režysior.
Maničeli vioŭ aktyŭnuju dziejnaść da kanca žyćcia. Da niadaŭniaha času jon udzielničaŭ u akcyjach pratestu suprać skaračeńnia dziaržaŭnych subsidyj u halinie kultury, śćviardžajučy, što tolki jana adroźnivaje Italiju ad inšych krainaŭ. Jon hałasavaŭ za kamunistyčnuju partyju i byŭ vielmi padryŭnych pierakanańniaŭ. Kali jaho spytali, na što jon najbolš spadziajecca, jon zajaviŭ, što spadziajecca, što ŭsio skončycca kulturnaj revalucyjaj. Revalucyjaj, jakoj nikoli nie było ŭ Italii.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii2
Kamientary