Pra heta jon zajaviŭ u intervju francuzskaj haziecie «Fiharo». Razmova adbyłasia 25 listapada, jaje frahmienty ŭ toj ža dzień byli pryviedzieny ŭ paviedamleńni pres-słužby prezidenta. Pašyrany varyjant intervju źjaviŭsia na sajcie vydańnia 29 listapada.
«Lepš pastavić hetaje pytańnie tamu, chto vykarystoŭvaje haz jak zbroju,
— prapanavaŭ Łukašenka. — Asabista ŭ nas jaho niama, i my pavinny zakuplać jaho ŭ susieda, jakoha vy cudoŭna viedajecie».
Łukašenka taksama zajaviŭ, što dla Biełarusi jak krainy-tranziciora nie budzie prablemaj ŭviadzieńnie ŭ stroj hazapravoda «Paŭnočny patok». «Vy pavinny viedać, što my transpartujem vieniesuelskuju naftu praz Ukrainu. My budziem vykarystoŭvać truby, jakija Rasii bolš nie patrebny dla transparciroŭki hazu inšych pastaŭščykoŭ», — skazaŭ Łukašenka. Pavodle jaho słoŭ, Maskva prapanoŭvaje haz pa 200 dołaraŭ za tysiaču kubamietraŭ, u toj čas jak Francyja kuplaje haz u Katary i Narviehii pa 150 -160 dołaraŭ. «Čamu my nie možam vykarystoŭvać hetuju canu? Pastaŭščykoŭ dastatkova», — miarkuje biełaruski kiraŭnik.
Pavodle jaho słoŭ, niama ničoha zahannaha ŭ tym, što Vieniesueła budzie pastaŭlać u Biełaruś 10 młn. ton nafty ŭ hod. «My zaklučyli kantrakt z Karakasam na try hady, što daje nam alternatyvu pastaŭkam z Rasii», — zaznačyŭ Łukašenka.
Dźmitryj Ułasaŭ, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH