Staršynia arhkamitetu BSDP «Narodnaja hramada» pra svajho siabru‑kankurenta Dźmitryja Usa.
Staršynia arhkamitetu Biełaruskaj sacyjał‑demakratyčnaj partyi «Narodnaja hramada» pra svajho siabru‑kankurenta Dźmitryja Usa.
«Pad Bieraściem, u Śviata‑Michajłaŭskaj carkvie, baciuška błasłaviŭ na pieramohu mianie i Dźmitryja Usa. U nas ahulny mesidž — vybaraŭ niama. My tolki pa‑roznamu jaho davodzim.
Naša znajomstva adbyłosia, moža, hadoŭ 15 tamu. Dźmitry Ivanavič Us byŭ pamočnikam Hieorhija Tarazieviča. Mudraha, sumlennaha čałavieka, adnaho z zasnavalnikaŭ našaj partyi. Ja liču Tarazieviča adnym z svaich nastaŭnikaŭ.
Paśla śmierci Tarazieviča Us byŭ deputatam minskaha harsavieta. Pa hrašach jon nanios straty roznym machinataram u miljony dalaraŭ. Była historyja ź jahonaj chvarobaj, kali jon ledź nie pamior.
Ale Us zmahajecca. Jon bliskuča pravioŭ kampaniju pa miascovych vybarach sioleta, kali pa aficyjnych ličbach jon nabraŭ 38%. A 70% potym padpisałasia, što za jaho hałasavała.
My supracoŭničali nie publična. Vy razumiejecie, što byvaje z takimi pradprymalnikami, kali jany zajaŭlajuć padtrymku apazicyi. Ale jon vyrašyŭ publična zajavić svaju pazicyju na hetych vybarach.
Paviercie, ja vielmi doŭha jaho adhavorvaŭ. A potym my vyrašyli jaho padtrymać.
Ludzi skazali, što Łukašenka mianie dvojčy sadžaŭ pad vybary. Niaŭžo ty dumaješ, što jon ciabie zarehistruje? A kali nie zarehistruje, što rabić? Ja kažu, davajcie padtrymaje Dźmitryja Ivanaviča, u jaho taki samy mesidž, što vybaraŭ niama. U lubym vypadku budzie televizar, ulotki.
Ja nie skažu, što jon byŭ zapasnym, jon byŭ jašče adnym kandydatam. Ale zdaryłasia, što mianie zarehistravali. Zdymacca niekamu z nas niama sensu.
Jamu ciažka fizična, ale jon zmahajecca. Paśla sustreč jon lažyć pad kropielnicami. Us vielmi mužny čałaviek. Chaj jon nie vielmi padrychtavany da televizara. Kaža nie vielmi zhrabna. Ale paviercie, što ŭ jaho jość svoj elektarat».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary