Dvoje rasijskich hramadzian, aryštavanych u ramkach kryminalnaj spravy ab masavych biesparadkach u Miensku, pieraviedzienyja ŭ izalatar № 1 MUS Biełarusi, jaki znachodzicca na vulicy Vaładarskaha ŭ Miensku.
Pra heta RIA «Novosti» paviedamiŭ pradstaŭnik ambasady Rasiei ŭ Biełarusi Vadzim Husieŭ:
«U paniadziełak ź imi sustrakaŭsia konsuł. Konsuł naviedvaje zatrymanych rasiejcaŭ rehularna. U ich niama asablivych zaŭvah pa ŭmovach utrymańnia pad vartaj», — raspavioŭ Husieŭ.
Jon dadaŭ, što zatrymanyja rasiejcy paprasili pieradać svaim svajakam infarmacyju ab ich miescaznachodžańni, a taksama prośbu da svajakoŭ pieradać im ciopłyja rečy i hihijeničnyja prynaležnaści.
Husieŭ adznačyŭ, što ŭ abodvuch rasiejcaŭ jość advakaty. Pavodle jaho słovaŭ, rasiejskija dyplamaty čakajuć, kali rasiejcam budzie pradjaŭlenaje abvinavačvańnie, kab vybudoŭvać dalejšuju rabotu pa akazańni im dapamohi.
U svaju čarhu, pradstaŭnik upraŭleńnia infarmacyi i hramadzkich suviaziaŭ MUS Biełarusi paviedamiŭ, što
abvinavačvańnie rasiejcam pakul nie pradjaŭlenaje.
«Pytańnie ab pradjaŭleńni abvinavačvańnia budzie razhledžanaje da vośmaha studzienia — na praciahu dziesiaci sutak z momantu zatrymańnia, jak taho patrabuje biełaruskaje zakanadaŭstva»,- rastłumačyŭ pradstaŭnik MUS.
Jon dadaŭ, što ŭ dačynieńni rasiejcaŭ pakul abranaja miera strymańnia ŭ vyhladzie ŭtrymańnia pad vartaj.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary