Двое расійскіх грамадзян, арыштаваных у рамках крымінальнай справы аб масавых беспарадках у Менску, пераведзеныя ў ізалятар № 1 МУС Беларусі, які знаходзіцца на вуліцы Валадарскага ў Менску.
Пра гэта РІА «Новости» паведаміў прадстаўнік амбасады Расеі ў Беларусі Вадзім Гусеў:
«У панядзелак зь імі сустракаўся консул. Консул наведвае затрыманых расейцаў рэгулярна. У іх няма асаблівых заўваг па ўмовах утрыманьня пад вартай», — распавёў Гусеў.
Ён дадаў, што затрыманыя расейцы папрасілі перадаць сваім сваякам інфармацыю аб іх месцазнаходжаньні, а таксама просьбу да сваякоў перадаць ім цёплыя рэчы і гігіенічныя прыналежнасьці.
Гусеў адзначыў, што ў абодвух расейцаў ёсьць адвакаты. Паводле яго словаў, расейскія дыпляматы чакаюць, калі расейцам будзе прад’яўленае абвінавачваньне, каб выбудоўваць далейшую работу па аказаньні ім дапамогі.
У сваю чаргу, прадстаўнік упраўленьня інфармацыі і грамадзкіх сувязяў МУС Беларусі паведаміў, што
абвінавачваньне расейцам пакуль не прад’яўленае.
«Пытаньне аб прад’яўленьні абвінавачваньня будзе разгледжанае да восьмага студзеня — на працягу дзесяці сутак з моманту затрыманьня, як таго патрабуе беларускае заканадаўства»,- растлумачыў прадстаўнік МУС.
Ён дадаў, што ў дачыненьні расейцаў пакуль абраная мера стрыманьня ў выглядзе ўтрыманьня пад вартай.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў25
Каментары