Uciakajma ad rasiejskaha miadźviedzia ŭ Eŭropu!
Ci ŭsie kozyry vykinuŭ Łukašenka? Piša Alaksandar Kłaskoŭski.
Ulubionaja teza Mienska pra roŭnyja ŭmovy haspadarańnia z rasiejcami siońnia nabyła novuju afarboŭku.
Zhadvajučy pra pieramovy z Pucinym, aficyjny biełaruski kiraŭnik patłumačyŭ pracaŭnikam "Biełšyny": "Sutnaść našaj palityki ŭ tym, što biełarusy i rasiejcy — heta adzin narod, a značyć i ŭmovy musiać być roŭnyja".
Z adnaho boku, heta balzam na dušu myślaram impierskaha kštałtu. Ź inšaha boku, kanversavać zajavy ab etničnaj tojesnaści ŭ tanny haz dy naftavyja preferencyi ŭžo naŭrad ci pašencić.
Tym bolej što tut ža byŭ zrobleny prazrysty ekivok. Chaj, maŭlaŭ, rasiejcy nie zabyvajuć, što pad našym kaŭpakom — ichni tranzyt dy vajskovyja abjekty. To bok, kali ŭsio ž zadziaruć košty, dyk im taksama mała nie padasca! Tady ŭžo nie pahladzim, što adzin narod :)
Tym časam, zaŭvažcie, Kreml maŭčyć. Mierkavańni ž naziralnikaŭ padzialilisia. Adny kažuć: abnarodavaŭšy pa viartańni z Maskvy svaju traktoŭku pieramoŭ, Łukašenka sprytna zachapiŭ inicyjatyvu. Nia stanie ž ciapier Pucin abviarhać: a voś hetaha ja nie kazaŭ, ni ŭ jakaj družbie nia klaŭsia...
Inšyja ž, naadvarot, ličać, što, zarana vykidvajučy kozyry na stoł, biełaruski kiraŭnik asłablaje pazycyi pierad vyrašalnym raŭndam. Potym moža stacca tak, što kryć užo nia budzie čym.
Zrešty, ci ŭsie kozyry vykinuty? Maskoŭski analityk Andrej Suzdalcaŭ miarkuje, što voś-voś moža prahučać niejki hieneralny adłup Kramlu. U pryvatnaści, hety adkaz musić ujaŭlać saboj i vyrazny krok u bok Zachadu.
Niešta nia nadta vierycca. Ale ŭjaviecie, što zaŭtra prahučyć: hodzie, sychodzim ad rasiejskaha miadźviedzia ŭ Eŭropu!
Vo byŭ by kantrasny duš paśla frazaŭ pra adzin narod!
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary