Pavodka ŭ Aŭstralii: zahinuli 10 čałaviek, 90 źnikła bieź viestak
Raka Bryśbien u Aŭstralii vyjšła ź bierahoŭ u aŭtorak i da hetaha času praciahvaje raźlivacca.
Raka Bryśbien u Aŭstralii vyjšła ź bierahoŭ u aŭtorak i da hetaha času praciahvaje raźlivacca. Siońnia pavodka dajšła da Bryśbiena, treciaha pa vieličyni horada Aŭstralii.
Pad vadoj ciapier 20 tysiač damoŭ, a ŭ niebiaśpiecy kala 2 młn. Pik pavodki čakajecca ŭ čaćvier.
Žycharoŭ horada, kolkaść jakich składaje kala 2 miljonaŭ čałaviek, ułady zaklikali źjechać na čas albo žyć na vierchnich pavierchach damoŭ, a taksama nie karystacca aŭtamabilami i ekanomić pitnuju vadu.
Centr Bryśbiena całkam pusty. Elektryčnaść adklučanaja, kab paźbiehnuć pažaru ŭ vypadku karotkaha zamykańnia.U troch miescach arhanizavanyja punkty pryjomu tych, chto byŭ najbolš surjozna paranieny, zdolnyja źmiaścić kala 7 tys. čałaviek.
Było abvieščana, što kolkaść paćvierdžanych vypadkaŭ śmierci ŭ najbolš paciarpiełym ad stychijnaha biedstva rajonie daliny Łakajer siahnuła dziesiaci, ale bolš za 90 čałaviek ličacca źnikłymi bieź viestak.
Ułady aścierahajucca, što pavodka moža mieć horšyja nastupstvy, čym u 1974 hodzie, kali raka zatapiła tysiačy damoŭ i zahinuli 14 čałaviek.
Ciapier čytajuć
Čamu ŭłady maŭčać pra pryčyny razbureńnia doma ŭ Homieli i jakija jość viersii2
Kamientary