Samy humanny sud u śviecie: Pačobutu dali 1 750 000 štrafu
Žurnalist, jakoha ŭčora zabrali ŭ KDB, siońnia asudžany ŭ sudzie Kastryčnickaha rajona Minska.
Taki prysud byŭ ahučany žurnalistu ŭ sudzie Kastryčnickaha rajona Minska.
Hrodzienski žurnalist Andrej Pačobut atrymaŭ 1 750 000 štrafu «za ŭdzieł u niesankcyjanavanym mitynhu» 19 śniežnia.
Pačuŭšy prysud, žurnalist hučna pramoviŭ: «Chaj žyvie naš saviecki sud — samy humanny sud u śviecie!»
«Svaje kamientaryi trymajcie pry sabie», — zreahavała sudździa.
«Sud zasłuchaŭ tolki śviedak-milicyjantaŭ, admoviŭšysia zaprasić śviedku z majho boku, jaki paćvierdziŭ by, što ja vykonvaŭ na płoščy prafiesijnyja abaviazki.. Hetaksama sudździa nie dałučyŭ da spravy videamateryjału, dzie było vidać, što ja byŭ na płoščy z žurnalisckim bedžam navidavoku. Milicyjanty ž śćviardžali, što dakumienta ŭ mianie nie było», — pieradaje słovy žurnalista sajt BAŽ. Śviedkami ŭ sudzie vystupali supracoŭniki milicyi Dudarčyk i Nalecki.
A.Pačobut siońnia vypravicca damoŭ u Hrodna. Prysud jon źbirajecca abskardžvać.
Pačobuta zabrali u hrodzienskaje Upraŭleńnie KDB učora ŭviečary, paśla vobšuku ŭ jaho doma. Da siońniašniaj ranicy nie było źviestak pra toje, dzie znachodzicca žurnalist. Jak paviedamiŭ A.Pačobut, jaho dapytali jak śviedku pa kryminalnaj spravie ab «masavych biesparadkach». Jon adznačaje, što
supracoŭniki KDB pavodzili siabie padčas dopytu «vielmi karektna».
Paśla supracoŭniki milicyi mašynaj dastavili žurnalista ŭ Minsk. «Kali vyjechali na minskuju darohu, ja byŭ peŭny, što mianie viazuć u Amierykanku», — kaža A.Pačobut. Adnak advieźli ŭ Minsk, u RUUS Kastryčnickaha rajona, dzie jon i pravioŭ hetuju noč.
«Heta pomsta KDB za maju žurnalisckuju dziejnaść, za tuju niaŭdałuju „hutarku“, za skarhu ŭ prakuraturu»,— skazaŭ Andrej. Jon schilajecca da dumki što hetym razam jaho mohuć asudzić na sutki. «Ale ja nie bajusia, nastrojeny rašuča,
Nahadajem, što jon byŭ zatrymany na płoščy Niezaležnaści i sutki pravioŭ u aŭtazaku. Jaho sprava razhladałasia ŭ sudzie Kastryčnickaha rajonu. Ale ŭ apošni momant žurnalista vyzvalili, zajaviŭšy, što pa jaho sprava nakiravanaja na dadatkovuju pravierku. Sam Andrej patłumačyŭ, što dapamahli aktyŭnyja dziejańni jaho redakcyi.
8 studzienia Pačobuta prymusova dastavili ŭ KDB na razmovu. Žurnalist śćviardžaje, što hutarka nahadvała dopyt, i jaho navat niekalki razoŭ udaryli pa hałavie. Jon padaŭ skarhu ŭ prakuraturu.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ3
Kamientary