Taćciana Sieviaryniec, maci abvinavačanaha ŭ arhanizacyi masavych biesparadkaŭ u Minsku 19 śniežnia Paŭła Sieviarynca, 13 studzienia pieradała ŭ KDB skarhu na niezakonnaje zatrymańnie.
Taćciana Sieviaryniec była zatrymana ŭ Minsku viečaram 12 studzienia supracoŭnikami KDB u toj čas, kali jechała na vakzał. 13 studzienia jana płanavała ŭziać udzieł u Varšavie ŭ sustrečy ŭ polskim siejmie, pryśviečanaj palityčnaj situacyi ŭ Biełarusi.
«Dopyt zakončyŭsia paśla dziesiaci hadzin. Ja admoviłasia davać pakazańni ŭ dačynieńni da Paŭła, raskazvała ŭ asnoŭnym pra siabie. Paśla dopytu ja jašče spadziavałasia niejkim čynam dabracca da Varšavy, adnak mnie nie viarnuli pašpart», — skazała jana.
Pry hetym Sieviaryniec abvierhła infarmacyju, što źjaviłasia raniej, ab tym, što supracoŭniki KDB abiacali advieźci jaje na sustreču z synam.
Pašpart z KDB Taćciana Sieviaryniec zmahła zabrać tolki siońnia ranicaj paśla pieradačy skarhi na imia staršyni KDB Vadzima Zajcava. U joj maci palityka padkreślivaje, što joj byŭ naniesieny nie tolki maralny, ale i materyjalny ŭron, bo jana nie zmahła svoječasova zdać bilet na ciahnik.
Pavieł Sieviaryniec źjaŭlaŭsia kiraŭnikom pieradvybarnaha štaba kandydata ŭ prezidenty Vitala Rymašeŭskaha. Sieviaryniec byŭ zatrymany 20 śniežnia i z taho času znachodzicca ŭ SIZA KDB. Jon u liku abvinavačvanych pa kryminalnaj spravie ab masavych biesparadkach u Minsku 19 śniežnia.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary