Zaklik ab jaje praviadzieńni prahučaŭ u sacyjalnych sietkach.
20:26
Viadoma, što adzin z zatrymanych Maksim Viniarski, jaki pryjšoŭ na akcyju z Kanstytucyjaj.
20:23
Presavy sakratar HUUS Łastoŭski pravioŭ impravizavanuju pres-kanfierencyju, dzie paviedamiŭ, što zatrymana prykładna piać čałaviek, jakija buduć dastaŭlenyja ŭ RUUS. Praŭda, pakul nieviadoma, u jaki. Akcyju možna ličyć skončanaj.
20:18
Padjechaŭ aŭtobus sa śpiecnazam. Ludzi ŭ čornym zatrymlivajuć udzielnikaŭ akcyi, ciahnučy ich u aŭtobus. Zatrymana najmieniej šeść čałaviek, a, mahčyma, i bolej. Zatrymany ŭ tym liku chłopiec na mylicach, jakoha zavuć Jarasłaŭ Lichačeŭski.
20:14
Milicyjanty kažuć, što akcyja niesankcyjanavanaja. I pałochajuć jaje ŭdzielnikaŭ nastupstvami ŭ vyhladzie administracyjnych spravaŭ. Ludzi ŭsprymaŭć heta z chochatam. Maŭlaŭ, i pamaŭčać razam nielha. Žurnalistaŭ prosiać adyści na biaśpiečnuju adlehłaść.
20:08
Pryjšoŭ chłopiec na mylicach, jaki zakleiŭ sabie rot kryž na kryž skotčam. Zaraz prykładna 30 udzielnikaŭ, ale nie kožny trymaje śviečku.
20:06
Čatyry čałavieki advažylisia zapalić śviečki.
19:58
Sabralisia žurnalisty. Na płoščy chodziać ludzi z racyjami. Udzielnikaŭ pakul nie bačna.
* * *
Siońnia na Kastryčnickaj płoščy Minska pavinna adbycca Akcyja maŭčańnia. Zaklik ab jaje praviadzieńni byŭ zrobleny ŭ sacyjalnych sietkach.
Ludziej zaklikajuć prychodzić na Płošču ź śviečkami, kab vykazać salidarnaść ź viaźniami KDB.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary