Заклік аб яе правядзенні прагучаў у сацыяльных сетках.
20:26
Вядома, што адзін з затрыманых Максім Вінярскі, які прыйшоў на акцыю з Канстытуцыяй.
20:23
Прэсавы сакратар ГУУС Ластоўскі правёў імправізаваную прэс-канферэнцыю, дзе паведаміў, што затрымана прыкладна пяць чалавек, якія будуць дастаўленыя ў РУУС. Праўда, пакуль невядома, у які. Акцыю можна лічыць скончанай.
20:18
Пад'ехаў аўтобус са спецназам. Людзі ў чорным затрымліваюць удзельнікаў акцыі, цягнучы іх у аўтобус. Затрымана найменей шэсць чалавек, а, магчыма, і болей. Затрыманы ў тым ліку хлопец на мыліцах, якога завуць Яраслаў Ліхачэўскі.
20:14
Міліцыянты кажуць, што акцыя несанкцыянаваная. І палохаюць яе ўдзельнікаў наступствамі ў выглядзе адміністрацыйных справаў. Людзі ўспрымаўць гэта з хохатам. Маўляў, і памаўчаць разам нельга. Журналістаў просяць адысці на бяспечную адлегласць.
20:08
Прыйшоў хлопец на мыліцах, які заклеіў сабе рот крыж на крыж скотчам. Зараз прыкладна 30 удзельнікаў, але не кожны трымае свечку.
20:06
Чатыры чалавекі адважыліся запаліць свечкі.
19:58
Сабраліся журналісты. На плошчы ходзяць людзі з рацыямі. Удзельнікаў пакуль не бачна.
* * *
Сёння на Кастрычніцкай плошчы Мінска павінна адбыцца Акцыя маўчання. Заклік аб яе правядзенні быў зроблены ў сацыяльных сетках.
Людзей заклікаюць прыходзіць на Плошчу з свечкамі, каб выказаць салідарнасць з вязнямі КДБ.
Каментары