Deputata Asipovickaha rajsavieta Alaksieja Ciulkova, jaki na apošnich vybarach byŭ davieranaj asobaj Vitala Rymašeŭskaha, abvinavačvajuć u amaralnaści, tamu što jon… źbiraŭ podpisy za kandydata ad Biełaruskaj chryścijanskaj demakratyi Rymašeŭskaha, a taksama za sprobu ŭdziełu ŭ akcyi pratestu na Płoščy.
26 studzienia, adbyłasia pazačarhovaja siesija Asipovickaha rajonnaha Savieta deputataŭ. Paśla karotkaha dakłada staršyni Asipovickaha rajsavieta Alaksandra Puzika, pytańnie całkam pierajšło da abmierkavańnia pavodzinaŭ deputata Alaksieja Ciulkova.
«U mianie zapytalisia, čamu ja jak davieranaja asoba Vitala Rymašeŭskaha ahitavaŭ za apazicyjnaha kandydata, kali amal 80 adsotkaŭ vybarščykaŭ u rajonie «padtrymali» Łukašenku. Značyć, ty nie pradstaŭlaješ u Saviecie bolšaść vybarščykaŭ,« — raspavioŭ Ciulkoŭ.
Taksama Alaksieju Ciulkovu paviedamili, što jon padstaŭlaje deputacki korpus rajona, pakolki «imknuŭsia» ŭziać udzieł u akcyi pratestu ŭ Minsku.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary