Stanisłaŭ Šuškievič hanarycca tym, što ŭdzielničaŭ u padpisańni damovy pra spynieńni isnavańnia SSSR i ličyć nadzvyčaj važnym, što siońniašniamu prezydentu nie dastałasia jadravaja zbroja. «Heta harantyja taho, što Eŭropa žyvie spakojna».
«Naš prezydent – čałaviek małaadukavany, maje pravincyjnuju pedahahičnuju adukacyju, i niekatoryja rečy da jaho vielmi pavolna dachodziać. Voś jon zajaviŭ, što duža zadavoleny, što isnuje SND. A hałoŭnaj ža padziejaj, jakaja adbyłasia ŭ Miensku piatnaccać hadoŭ tamu, było mienavita stvareńnie SND, tamu što Sajuz faktyčna razvaliŭsia našmat raniej», – cytuje Šuškieviča Telegraf.by.
Hałoŭnym ža stanoŭčym vynikam svajoj dziejnaści były biełaruski lider nazvaŭ admovu ad jadravaj zbroi. «Heta ja zaličyŭ u svaje dasiahnieńni paśla taho, jak Paŭnočnaja Kareja vyprabavała niejkuju žalu vartuju bombačku. Nahadaju, što ŭ nas była vosiemdziesiat adna supersučasnaja rakieta, ź ich dzieviać – z raździalalnymi bojehałoŭkami. Dyk voś toje, što heta było vyvieziena i nia trapiła ŭ ruki siońniašnich biełaruskich kiraŭnikoŭ, – harantyja taho, što Eŭropa žyvie spakojna», – adciemiŭ Šuškievič.
Na jahonuju dumku, niekatoryja krainy byłoha SSSR zahraźli ŭ «manarchičnym ciemrašalstvie». «Heta bačna i ŭ Azerbajdžanie, i dzie-nidzie ŭ Rasiei», – zajaviŭ Šuškievič i dadaŭ, što ŭ Biełarusi ŭstalavanaja «dykatatura prymityvizmu».
Raniej Łukašenka nie adnojčy krytykavaŭ Šuškieviča, Jelcyna i ŭkrainskaha lidera Leanida Kraŭčuka za «trahičnuju pamyłku», jakuju jany dapuścili, kali padpisali ŭ 1991 hodzie ŭ Biełavieskaj puščy pakiet dakumentaŭ, jakija faktyčna pakłali kaniec isnavańniu SSSR, – nahadvaje «Lenta.Ru»
Fota Julii Daraškievič
