Siem moładzievych aktyvistaŭ Abjadnanaj hramadzianskaj partyi byli zatrymanyja kala 14.00 na Kastryčnickaj płoščy ŭ Miensku. Chłopcy źbiralisia pravieści akcyju salidarnaści z palitźniavolenymi.
«My źbiralisia na akcyju da budynka KDB z partretami palitźniavolenych, — kamientuje Zachar Michałkin, aktyvist Abjadnanaj hramadzianskaj partyi. -- Kali na padychodzie my pabačyli ludziej u štackim, to raźviarnulisia i pajšli na Kastryčnickuju płošču. Paśla abmierkavańniaŭ vyrašylisia ŭsio ž taki viarnucca da KDB i pasprabavać pravieści akcyju. Adnak nas zatrymali, pasadzili ŭ aŭtobus i pavieźli ŭ Centralny RUUS. Supracoŭniki RUUS viali siabie dosyć karektna, ale ŭziali adbitki palcaŭ i dapytali nas. Praz 3 hadziny ŭsich adpuścili, papiarednie my padpisali pratakoły dopytu».
Siarod zatrymanych byli Aleh Korban, Alaksandr Stapanienka, Dźmitryj Bajkoŭ, Aleh Kierol, Dźmitryj Silčanka, Michaił Mikulič, Zachar Michałkin. U dadzieny momant usie na svabodzie.
