Alaksiej Šydłoŭski pra situacyju Michaleviča: A ja ž taksama napisaŭ, kali siadzieŭ...
«Nie kazaŭ nikomu hetaha raniej».
KDB nadrukavała list Michaleviča, — adhuknuŭsia ŭ svaim błohu Alaksiej Šydłoŭski, jaki ŭ 1997 hodzie byŭ adnym ź pieršym palitviaźniaŭ łukašenkaŭskaha režymu. — Metaju było pakazać, što voś jon vaš hieroj taki voś nasamreč. Ale heta z boku hebešnikaŭ duraść,asabliva paśla taho, jak Aleś raspavioŭ pra «ŭmovy ŭtrymańnia». Jany dumali, što zmohuć hetym listom prymusić Michaleviča maŭčać. Adnak mienavita najaŭnaść hetych siamnaccaci radkoŭ i vymusiła jaho zrabić vystup i raspavieści ŭsio. Dumaju, jak čałaviek sumlenny, jon prosta nie moh spać, viedajučy, što tam lažyć heta. Jość siabry i ludzi, jakija jaho pavažajuć. Biezmoŭna, jon razumieŭ, što jaho abaviazkova nadrukujuć, i vielmi chutka. I razumieje, što najchutčej jaho viernuć za kraty, i ŭ hety raz nadoŭha. Ale ž dušu sumnieŭ hryźci nie budzie, a dla niekatorych, da jakich adnosicca i Michalevič, heta hałoŭnaje.
Nie kazaŭ nikomu hetaha raniej, ale kali ja ŭ svaje 18 siadzieŭ u Žodzina, pieršyja miesiacy turmy davalisia tak ciažka, što dumaŭ i pra samahubstva, i Bibliju čytaŭ naprapałuju, i list padobny napisaŭ.Opier ź izalatara zrabiŭ prazrysty namiok, što dalejšaje ŭtrymańnie ŭ SIZA zaležyć tolki ad mianie. I voś, maŭlaŭ, jość taki varyjant. Ja pryjšoŭ zabity i panury ŭ svaju kamieru (tady jašče siadzieŭ na balničcy sa «strahačami») i spytaŭsia ŭ ich, voś, maŭlaŭ, tak i tak. Kažuć — tvajo žyćcio, chočaš dadomu — pišy. Sieŭ, papłakaŭ, napisaŭ niešta kštałtu «bolš tak nie budu, z partyi vyjdu» i h.d.
Dumaju, zaŭtra addam, kali śpiecčastka pryjdzie. Loh spać. A ranicaj pračnuŭsia i zrazumieŭ, što takaja svaboda nachier niepatrebnaja, parvaŭ list drobna dy zmyŭ u parašu.Vopytny sukamiernik pahladzieŭ na heta, skazaŭ niešta kštałtu «ot eto, sałaha, bla dieło» i zaprasiŭ pić čyfir. Z taho momantu siadziełasia značna lahčej.
* * *
Alaksiej Šydłoŭski trapiŭ u turmu ŭ 18 hadoŭ u 1997 hodzie za razmaloŭku Stoŭbcaŭ antyłukašenkaŭskimi hrafici. Byŭ asudžany da turemnaha źniavoleńnia. Hetaja sprava zastałasia ŭ historyi jak
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
-
Sieviaryniec: U administracyi SIZA pierakošvała tvary ad adnoj zhadki proźvišča Cichanoŭskaha
-
Juval Noj Charary: Štučny intelekt pieratvaryŭsia ŭ nož, jaki chutka budzie sam vyrašać, kaho zabić
Kamientary