Pjanyja kiroŭca i pasažyr na skradzienym aŭto źbili pjanaha piešachoda
24-hadovy žychar Hrodzienskaha rajona jechaŭ pa kvietki i śpirtnoje dla kachanaj, kab adznačyć 8 sakavika.
24-hadovy žychar Hrodzienskaha rajona jechaŭ pa kvietki i śpirtnoje dla kachanaj, kab adznačyć 8 sakavika.
Uviečary 8 sakavika 24-hadovy žychar vioski Navumavičy Hrodzienskaha rajona vyrašyŭ źjeździć u abłasny centr pa kvietki i śpirtnoje dla svajoj dziaŭčyny, kab adznačyć 8 sakavika. U jakaści transpartnaha srodku ramea abraŭ lehkavik «Niva», jakaja stajała ŭ dvary adnaviaskoŭca. Jak apynułasia, u sałonie aŭto spaŭ niećviarozy siabar maładoha čałavieka, jaki nie admoviŭsia naviedacca ŭ Hrodna ŭ jakaści pasažyra. Paśviedčańnia kiroŭcy ŭ 24-hadovaha maładziona niama, kamu naležyć aŭto pakul zastajecca niavyśvietlenym.
U horadzie maładyja ludzi nabyli śpirtnoje, na kvietki hrošaj u ich nie zastałosia. Ale horšaje ich jašče čakała napieradzie. Na zvarotnym šlachu la pavarotu na viosku Pyški «Niva» źbiła piešachoda, jaki niečakana vyjšaŭ na darohu. Siabry nie vyklikali ni «chutkuju», ni DAI, a vyrašyli advieźci paciarpiełaha da siabie dadomu. Ale ŭžo praz kiłamietr ŭ aŭto skončyŭsia bienzin. Tolki tady maładyja ludzi źviarnuli ŭvahu na źbitaha mužčynu, jaki ściakaŭ kryvioj na zadnim siadzieńni. Voś tady jany i vyrašyli vyklikać dapamohu, spyniŭšy sustrečnaje aŭto.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary