Časovy lider AHP Stanisłaŭ Bahdankievič zajaviŭ, što adychodzić ad aktyŭnaj palityčnaj dziejnaści. Pa stanie zdaroŭja.
«Ja znoŭ adychodžu ad aktyŭnaj palityčnaj dziejnaści. Kardyjahrama vielmi drennaja, cisk - 190 na 110. Kali lažu - adčuvaju siabie bolš-mienš narmalna, a voś aktyŭnaść dajecca mnie ź ciažkaściu. Ja ŭžo skazaŭ Marholinu [namieśnik staršyni AHP], što treba pravodzić pasiadžeńnie Palitrady, kab na jaho ŭskłali abaviazki časovaha staršyni partyi - na čas adsutnaści lidera. Tym bolš, zusim niezrazumieła, kali vierniecca Anatol Labiedźka [znachodzicca ŭ SIZA KDB]", - adznačyŭ Stanisłaŭ Bahdankievič.
Hanarovy staršynia AHP Stanisłaŭ Bahdankievič ŭziaŭ kiraŭnictva Abjadnanaj hramadzianskaj partyjaj u svaje ruki, ab čym zajaviŭ 30 śniežnia.
«Mirnaja demanstracyja biełaruskich hramadzian 19 śniežnia pad kiraŭnictvam dzieviaci apazicyjnych kandydataŭ u prezidenty suprać falsifikacyi vybaraŭ była žorstka razahnanaja z nastupnym aryštam jak kandydataŭ u prezidenty, tak i ich prychilnikaŭ, — havaryłasia tady ŭ zajavie. — Siarod aryštavanych — staršynia Abjadnanaj hramadzianskaj partyi Anatol Labiedźka, a taksama šerah inšych členaŭ vyšejšaha kiraŭnictva partyi i aktyvistaŭ, u tym liku staršynia Minskaj haradskoj arhanizacyi AHP Anatol Paŭłaŭ i jaho namieśnik Aleh Korban».
«Va ŭmovach, kali partyja faktyčna abiezhałoŭlenaja, zychodziačy z adkaznaści za partyju, za zachavańnie jaje adzinstva i nieabchodnaści nieadkładnaj arhanizacyi baraćby za vyzvaleńnie našych represavanych tavaryšaŭ, časova, pa ŭzhadnieńni z Palitsavietam AHP, prymaju na siabie kiraŭnictva Abjadnanaj hramadzianskaj partyjaj», — zajaviŭ 30 śniežnia Stanisłaŭ Bahdankievič.