EUObserver: Raz Łukašenka zadzirajecca, buduć sankcyi ekanamičnyja
Dadatkovyja zachady buduć skiravanyja suprać pradpryjemstvaŭ, jakija finansava padtrymlivajuć łukašenkaŭcaŭ: «Biełnaftachima», «Trajpła», «Biełtecheksparta», «Biełaruśkalija».
Pavodle infarmacyi sajta EUObserver, dypłamaty Jeŭrasajuza rychtujuć dadatkovyja sankcyi suprać režymu Alaksandra Łukašenki.
Sajt piša, što hetyja dadatkovyja zachady buduć nakiravanyja suprać pradpryjemstvaŭ, jakija finansava padtrymlivajuć biełaruskuju namienkłaturu, a mienavita — suprać «Biełnaftachima», «Trajpła», «Biełtecheksparta», «Biełaruśkalija».
EUObserver piša, što novyja sankcyi płanujucca tak,
kab adčuvalna zakranuć dziaržaŭny biudžet dy pryvatnyja dachody Łukašenki i jahonaha atačeńnia, ale paźbiehčy surjoznaj škody dla ekanomiki krainy dy dla kampanij ES u Łatvii, Litvie, Niderłandach i Polščy.
Pakiet sankcyj, dadaje sajt EUObserver, raspracoŭvajecca ŭ ambasadach ES u Minsku i dypłamatami siaredniaha ŭzroŭniu ŭ Bruseli. Vierahodna, što novyja sankcyi mohuć być zaćvierdžanyja na pasiadžeńni ministraŭ zamiežnych spravaŭ ES u krasaviku.
Ambasada Vienhryi ŭ Minsku, jakaja pradstaŭlaje intaresy ES u Biełarusi, admoviłasia kamientavać hetuju infarmacyju, paviedamlaje BiełaPAN. «Ja dumaju, takoha rašeńnia ŭ Bruseli nie było», — skazaŭ ahienctvu pasoł Ferenc Kontra.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads10
Kamientary