Sustaršynia arhkamitetu «Biełaruskaj chryścijanskaj demakratyi» i kandydat u prezidenty Vital Rymašeŭski raspavioŭ pra padrychtoŭku da akcyi 25 sakavika.Rymašeŭski zajaviŭ, što Minski haradski vykanaŭčy kamitet moža nie dazvolić praviadzieńnie akcyi na Dzień Voli 25 sakavika. «U takim vypadku Minharvykankam sam spravakuje kanflikt», — adznačyŭ palityk, padkreśliŭšy, što śviatkavańnie Dnia Voli ŭsio roŭna adbudziecca i budzie vyklučna mirnym.
«Zaraz idzie kampanija padrychtoŭki da praviadzieńnia akcyi, u internecie joj najbolš aktyŭna zajmajecca „Małady front“. Arhkamitet ža sprabuje damovicca ź Minharvykankamam pra vydaču dazvołu na praviadzieńnie akcyi nie za try dni da jaje pačatku, jak było ŭ minułyja hady, a raniej. Heta dapamoža lepš arhanizavać achovu, damovicca z pravaachoŭnymi orhanami, jakija b mahli harantavać biaśpieku ŭdzielnikaŭ akcyi», — paviedamiŭ Vital Rymašeŭski.
Sustaršynia BCHD taksama raspavioŭ, što ŭžo rychtujucca da druku materyjały z zaklikam pryniać udzieł u śviatkavańni Dnia Voli. «Nahadaju, što akcyja płanujecca vyklučna mirnaj», — padkreśliŭ Vital Rymašeŭski.
Nahadajem, u arhkamitet śviatkavańnia Dnia
U padadzienaj u Minharvykankam zajaŭcy na mitynh i šeście byŭ paznačany maršrut: płošča Jakuba Kołasa — park Janki Kupały. Zbor udzielnikaŭ płanujecca ŭ 18.00.Hałoŭnymi łozunhami akcyi 25 Sakavika stanuć «Svabodu palitviaźniam» i «Niezaležnaść Biełarusi».
