«Ciapier Biełaruś nie prydatnaja dla čempijanata śvietu pa chakiei»
Homielski abłasny forum demakratyčnych arhanizacyjaŭ pryniaŭ zvarot da Mižnarodnaj fiederacyi chakieju z šajbaj.
Homielski abłasny forum demakratyčnych arhanizacyjaŭ, jaki prachodziŭ u abłasnym centry 12–13 sakavika, pryniaŭ zajavu nakont pieraśledu palityčnych apanientaŭ ułady i zvarot da Mižnarodnaj fiederacyi chakieju z šajbaj.
U zajavie ŭdzielniki forumu kanstatujuć: žorstki razhon mirnaj demanstracyi 19 śniežnia z masavymi aryštami, šmatlikimi pieratrusami i dopytami paśla hałasavańnia pakazali, što «biełaruskaja aŭtarytarnaja ŭłada hatova na lubyja pravakacyi suprać hramadzianskaj supolnaści, suprać ludziej, jakija majuć hramadzianskuju pazicyju, z metaj nie dapuścić demakratyčnych pieraŭtvareńniaŭ». Za hetym staić strach zhubić uładu i «ŭśviedamleńnie adsutnaści padtrymki bolšaści nasielnictva, imknieńnie zapałochać aktyvistaŭ demakratyčnych arhanizacyjaŭ i hramadstva ŭ cełym».
Abłasny demakratyčny forum zajaviŭ: «kryminalnyja spravy, raspačatyja padčas prezidenckaj kampanii, u pieršuju čarhu ŭ dačynieńni ŭdzielnikaŭ mirnaj akcyi pratestu 19 śniežnia 2010 hoda, u tym liku kandydataŭ u prezidenty, źjaŭlajucca sfabrykavanymi i nosiać charaktar palityčnaj raspravy nad apanientami ŭłady. Usie kryminalnyja spravy pavinny być biez pramarudžvańnia zakryty, aryštavanyja i asudžanyja vyzvaleny, a prysudy admienieny».
Na dumku ŭdzielnikaŭ forumu, inšaha šlachu dziela pieraadoleńnia ŭnutranaha j zamiežnapalityčnaha kryzisu, u jakim Biełaruś apynułasia paśla žorstkaha razhonu mirnaj akcyi, nie isnuje.
U zvarocie da Mižnarodnaj fiederacyi chakieju Homielski demakratyčny forum prosić admianić praviadzieńnie ŭ Biełarusi čempijanatu śvietu pa chakiei ŭ 2014 hodzie, kali biełaruskija palityčnyja viaźni «nie buduć adpuščanyja na volu, a ichnija kryminalnyja spravy nia buduć poŭnaściu spynieny».
U zvarocie skazana, što ciapier Biełaruś nie prydatnaja dla takoj značnaj spartyŭnaj padziei, jak čempijanat śvietu pa chakiei: «Nielha naahuł śviatkavać i viesialicca, kali dziasiatki sumlennych ludziej nie mohuć być u šerahach zaŭziataraŭ, niavinna znachodziačysia za kratami».
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary