Гомельскі абласны форум дэмакратычных арганізацыяў прыняў зварот да Міжнароднай федэрацыі хакею з шайбай.
Гомельскі абласны форум дэмакратычных арганізацыяў, які праходзіў у абласным цэнтры 12–13 сакавіка, прыняў заяву наконт пераследу палітычных апанентаў улады і зварот да Міжнароднай федэрацыі хакею з шайбай.
У заяве ўдзельнікі форуму канстатуюць: жорсткі разгон мірнай дэманстрацыі 19 снежня з масавымі арыштамі, шматлікімі ператрусамі і допытамі пасля галасавання паказалі, што «беларуская аўтарытарная ўлада гатова на любыя правакацыі супраць грамадзянскай супольнасці, супраць людзей, якія маюць грамадзянскую пазіцыю, з мэтай не дапусьціць дэмакратычных пераўтварэнняў». За гэтым стаіць страх згубіць уладу і «ўсведамленне адсутнасці падтрымкі большасці насельніцтва, імкненьне запалохаць актывістаў дэмакратычных арганізацыяў і грамадства ў цэлым».
Абласны дэмакратычны форум заявіў: «крымінальныя справы, распачатыя падчас прэзідэнцкай кампаніі, у першую чаргу ў дачыненні ўдзельнікаў мірнай акцыі пратэсту 19 снежня 2010 года, у тым ліку кандыдатаў у прэзідэнты, з’яўляюцца сфабрыкаванымі і носяць характар палітычнай расправы над апанентамі ўлады. Усе крымінальныя справы павінны быць без прамаруджвання закрыты, арыштаваныя і асуджаныя вызвалены, а прысуды адменены».
На думку ўдзельнікаў форуму, іншага шляху дзеля пераадолення ўнутранага й замежнапалітычнага крызісу, у якім Беларусь апынулася пасля жорсткага разгону мірнай акцыі, не існуе.
У звароце да Міжнароднай федэрацыі хакею Гомельскі дэмакратычны форум просіць адмяніць правядзенне ў Беларусі чэмпіянату свету па хакеі ў 2014 годзе, калі беларускія палітычныя вязні «не будуць адпушчаныя на волю, а іхнія крымінальныя справы ня будуць поўнасцю спынены».
У звароце сказана, што цяпер Беларусь не прыдатная для такой значнай спартыўнай падзеі, як чэмпіянат свету па хакеі: «Нельга наагул святкаваць і весяліцца, калі дзясяткі сумленных людзей не могуць быць у шэрагах заўзятараў, нявінна знаходзячыся за кратамі».
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4040
Каментары