U Śvietłahorskim r-nie pracoŭnyja sacyjalnaj słužby atrymali rasparadžeńnie štodnia ad 13 da 15 hadziny paviedamlać svajoj načalnicy pra stan zdaroŭja padapiečnych pensijanieraŭ, a taksama ichni palityčny nastroj i typovyja vykazvańni.
U Śvietłahorskim rajonie pracoŭnyja sacyjalnaj słužby atrymali rasparadžeńnie štodnia ad 13 da 15 hadziny paviedamlać svajoj načalnicy pra stan zdaroŭja padapiečnych pensijanieraŭ, a taksama ichni palityčny nastroj i typovyja vykazvańni.
Taksama i RAA dasłaŭ pa škołach papieru, dzie dyrektarki musiać štodnia paviedamlać pra hrubyja parušeńni pracoŭnaj dyscypliny rabotnikami, a taksama palityčnuju infarmacyju.
Štomiesiačna jany musiać zdavać abahulenuju infarmacyju.
Prakamentujcie, kali łaska, heta publična, bo, niesumnienna, u Vas jość i ad inšych čytačoŭ takaja infarmacyja.
Mikoła Busieł, Dubrova, Śvietłahorski rajon
❏
Kamentar Redakcyi. Analahičnaja infarmacyja nadychodzić i ź inšych rehijonaŭ. Hetak, u časy najaŭnaści niezaležnych vydańniaŭ u katalohu «Biełpošty» źviestki pra ich padpisčykaŭ pošty adpraŭlali ŭ orhany ŭłady. Niekalki dziejačoŭ intelihiencyi i hramadzkich aktyvistaŭ z rehijonaŭ paviedamili, što da ichnych susiedziaŭ źviartalisia z prośbami raźmiaść u ichnych kvaterach «žučki» dla prasłuchoŭvańnia. Šerah hramadzkich dziejačoŭ rehularna abšukvajuć na miažy. Pra što heta śviedčyć? Pra toje, što ŭłada śpiešna vybudoŭvaje systemu tatalnaha kantrolu za hramadztvam i stvaryła «čornyja śpisy» palityčna niadobranadziejnych. Represavać – čas nia toj, ale zapałochvać ludziej, zaminać u ichnym prasoŭvańni buduć. Heta taksama pakazvaje, da čaho nasamreč rychtujucca ŭłady, na słovach havoračy pra «evalucyju da demakratyi» i «dziaržavu dla narodu».
Usie procizakonnyja dziejańni kaliści atrymajuć naležnuju acenku. Voś jak u sieradu pryjšła infarmacyja z Baŭharyi, što j tam užo raskryvajucca daśje byłoha baŭharskaha analahu KHB, a byłych sakretnym infarmataram budzie zakrytaja daroha na adkaznyja pasady.
Raim usiakuju infarmacyju na hetuju temu dasyłać biełaruskim i mižnarodnym pravaabaroncam i ŭ misiju ABSE ŭ Biełarusi.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii60
Kamientary