Alaksandr Milinkievič źviarnuŭsia z adkrytymi listami da Ŭładzimira Pucina, Džordža Buša, Anhieły Merkiel i Žaka Šyraka: «Zaklikaju vas zrabić ŭsio mahčymaje, kab vyratavać žyćcio Kazulina». Lidery abjadnanaj apazycyi źviarnulisia da premjera Siarhieja Sidorskaha: «Poŭnaja adkaznaść za žyćcio i zdaroŭje eks-kandydata na prezydenta Alaksandra Kazulina ŭskładajecca na biełaruskija ŭłady».
Žonka Kazulina Iryna paviedamiła, što muž, niahledziačy na słabaść, praciahvaje vychodzić na prahułki.
Kazulin nia vyklučyŭ svajho vychadu z haładoŭki, ale ŭ tym vypadku, kali jahonyja patrabavańni padtrymaje palityčnaja rada Abjadnanych demakrataŭ i choć adna eŭrapiejskaja kraina vystupić z prapanovaj uniasieńnia ŭ Radu Biaśpieki AAN pytańnia ab pravach čałavieka ŭ Biełarusi.
Kazulinu była zroblenaja prapanova ab pieravodzie ŭ Miensk, u Respublikanski turemny špital, ale jon admoviŭsia.
U Kazulina panizilisia cisk i temperatura. Siarhiej Skrabiec: «Niahledziačy na toje, što Kazulin ciapier badziory, usio moža źmianicca ŭ kožnuju chvilinu».
?
Lidery abjadnanaj apazycyi 7 śniežnia źviarnulisia z adkrytym listom da premjera Siarhieja Sidorskaha adnosna patrabavańniaŭ Alaksandra Kazulina.
Lidery apazycyi pišuć pra toje, što Alaksandr Kazulin, jaki pravodzić palityčnuju haładoŭku ŭ kalonii, jašče 20 vieraśnia zaklikaŭ Siarhieja Sidorskaha zhodna z Kanstytucyjaj ŭziać na siabie paŭnamoctvy kiraŭnika dziaržavy i pryznačyć novyja prezydenckija vybary, pakolki, jak ličyć Kazulin, Alaksandr Łukašenka zajmaje pasadu prezydenta niezakonna. Adnak Siarhiej Sidorski dahetul nie adkazaŭ na zaklik Alaksandra Kazulina, nahadvajuć aŭtary lista.
«Siońnia minaje 49-y dzień palityčnaj haładoŭki Alaksandra Kazulina. Žyćcio palityka pad pahrozaj. Poŭnaja adkaznaść za žyćcio i zdaroŭje eks-kandydata na prezydenta Alaksandra Kazulina ŭskładajecca na biełaruskija ŭłady», — pišuć aŭtary lista da Siarhieja Sidorskaha i zaklikajuć pramjera terminova adkazać Alaksandru Kazulinu.
Pavodle štabu Alaksandra Kazulina, list padpisali Anatol Labiedźka, Anatol Laŭkovič, Vincuk Viačorka, Siarhiej Kalakin, Alaksiej Karol, Alaksandr Buchvostaŭ i Alaksandr Milinkievič.
?
Biełaruskaja sacyjał-demakratyčnaja partyja (Hramada) rychtuje masavuju akcyju ŭ padtrymku svajho lidera, eks-kandydata ŭ prezydenty Alaksandra Kazulina. Pra heta paviedamiła pres-sakratar partyi Raisa Michajłaŭskaja.
Pavodle jaje słoŭ, 8 śniežnia spaŭniajecca 50 dzion jak Kazulin abviaściŭ haładoŭku. U hety dzień 200 mienskich aktyvistaŭ partyi praviaduć adnadzionnuju haładoŭku salidarnaści z Alaksandram Kazulinym i buduć zaklikać jaho spynić akcyju.
Jeŭrapiejskaje radyjo dla Biełarusi
?
Staršynia rady BNR Ivonka Surviła źviarnułasia da Alaksandra Kazulina z zaklikam spynić haładoŭku
«Spadar Alaksandar! Vy zrabili ŭsio, što mahli, kab pryciahnuć uvahu śvietu da biedaŭ našaj Baćkaŭščyny! Mocna prašu Vas, dziela Iryny, i dziela ŭsich, chto ciapier z Vami ŭ dumkach – spynicie haładoŭku!» -- zaklikaje Alaksandra Kazulina Staršynia Rady BNR
Fota Julii Daraškievič
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary