Ideołah «prakałoŭsia» na daterminovym hałasavańni i byŭ zvolnieny
Na Maładziečanskim SP «Minski meblevy centr» źmianiŭsia namieśnik dyrektara pa ideałohii.
Na Maładziečanskim SP «Minski meblevy centr» źmianiŭsia namieśnik dyrektara pa ideałohii. Jak śćviardžajuć kampietentnyja asoby, heta vynik vybarčaj kampanii.
Hałoŭny ideołah MMC Mikałaj Ciurakin staŭ viadomym paśla taho, jak arhanizavaŭ na pradpryjemstvie daterminovaje hałasavańnie supracoŭnikaŭ sa strohaj spravazdačnaściu. U internecie byli raźmieščanyja fota papieraŭ dla ŭliku tych, chto prahałasavaŭ, jakija patrabavaŭ zapaŭniać ideołah, — heta atrymała šyroki rezanans. Tady sprava namahańniami pravaabaroncaŭ dajšła da prakuratury. Choć u raspačynańni kryminalnaj spravy na Mikałaja Ciurakina prakuratura admoviła, pa zakančeńni niekalkich miesiacaŭ jon usio ž byŭ adpraŭleny «ŭ adstaŭku».
Ciurakin byŭ piensijanieram, ale na zasłužany adpačynak nie źbiraŭsia, tamu i na vybarach staraŭsia asabliva. Chutčej za ŭsio, viadoma, ź ideołaham rasstalisia nie praź jaho starannaść, a praź niepryjemny dla kiraŭnictva pradpryjemstva rezanans.
Kamientary