Namieśnik hałoŭnaha redaktara haziety «Narodnaja vola» Maryna Koktyš viečaram 31 sakavika była vyklikana na dopyt u KDB u suviazi sa źniknieńniem Natalli Radzinaj.
Padrabiaznaści dopytu, jaki doŭžyŭsia z 21.30 da 22.10, žurnalistka nie paviedamiła, bo dała padpisku ab nievydavańnie tajny śledstva.
«Chaciełasia b, kab z Natašaj usio było ŭ paradku. Usie chvalujucca: baćki, žurnalisty, advakat», — skazała Koktyš BiełaPAN.
Z 21.30 da 22.30 u KDB prachodziŭ dopyt hałoŭnaha redaktara haziety «Naša niva» Andreja Skurko. Ź jaho taksama ŭziata padpiska ab nievydavańni tajny śledstva.
Redaktara sajta charter97.org Natalla Radzina da 11 hadzin 31 sakavika pavinna była prybyć z Kobryna ŭ Minsk dla praviadzieńnia «śledčych dziejańniaŭ» u KDB. Radzina źjaŭlajecca abvinavačanaj pa kryminalnaj spravie ab masavych biesparadkach u stalicy 19 śniežnia 2010 hoda. Z 20 śniežnia pa 28 studzienia jana znachodziłasia ŭ SIZA KDB. Da 30 sakavika žyła ŭ baćkoŭ u Kobrynie, pa miescy prapiski, i praciahvała zajmacca žurnalisckaj dziejnaściu.
«Ja miarkuju, što mnie budzie pradjaŭlena kančatkovaje abvinavačańnie i ja pačnu znajomicca z materyjałami kryminalnaj spravy», — zajaviła BiełaPAN Radzina ŭ dzień adjezdu z Kobryna.
«Viečaram u 21.30 ja jaje pasadziła na ciahnik. Siońnia ja da jaje datelefanavacca nie mahu. Mnie jana taksama nie telefanavała», — paviedamiła BiełaPAN maci Radzinaj Nadzieja Maksimaŭna. Pavodle jaje słoŭ, damoŭ da ich prychodziŭ śledčy, jaki cikaviŭsia, dzie moža znachodzicca Natalla.
Mabilny telefon Radzinaj adklučany.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary