Statystyka Nacbanka vyklikaje niedavier.
Nacyjanalny bank Biełarusi ahučyŭ papiarednija ličby abjomu zołatavalutnych reziervaŭ Biełarusi na 1 krasavika. Zhodna z padadzienaj infarmacyjaj, reziervy ŭ vyznačeńni MVF źmienšylisia na $262,3 miljona i apuścilisia da pakazčyku $3761,3 miljona.
Asnoŭnaj pryčynaj źnižeńnia abjomu zołatavalutnych reziervaŭ u sakaviku Nacbank niebiespadstaŭna nazyvaje vysoki popyt na zamiežnuju valutu z boku nasielnictva.
Za minuły miesiac čystaja kupla nasielnictvam zamiežnaj valuty (najaŭnaj i bieznajaŭnaj) skłała $768,1 miljona.Heta roźnica pamiž kuplaj i prodažam.
U vyniku atrymlivajecca dziŭnaja roźnica ŭ paŭmiljardy (pamiž $768 miljonami pradadzienaj valuty i padzieńniem reziervaŭ usiaho na $262 miljony). Jak jaje kampiensavaŭ Nacbank? Za apošni miesiac było zajaŭlena chiba što tolki pra vydzialeńnie Biełarusi kredytu pamieram $400 miljonaŭ na ramont daroh. Ale hetyja hrošy jašče nie byli atrymanyja. Novych jeŭrabondaŭ taksama raźmieščana nie było… Tady rytaryčnaje pytańnie —
adkul uziataja statystyka?
U najbližejšy čas Nacbank dadatkova paviedamić pra abjom zołatavalutnych reziervaŭ u zamiežnaj valucie. Aryjencirovačna jany składuć usiaho kala miljarda dalaraŭ. Heta stanie najhoršym pakazčykam za apošnija čatyry hady.
Što da ahulnaha pamieru reziervaŭ, to heta najhoršy vynik z kastryčnika 2009 hoda.
Varta adznačyć, što ŭzrovień zołatavalutnych zapasaŭ u Biełarusi ŭ praporcyi da VUP zastajecca adnym z najnižejšych u Jeŭropie. Jon vyšejšy navat u biednaj Małdovie.
Valutnyja zapasy — heta svajho rodu paduška biaśpieki dla ekanomiki. MVF rekamienduje, kab jany składali nie mienš za vartaść 3-miesiačnaha abjomu impartu krainy. Miž tym biełaruskija reziervy skurčylisia da pamieru miesiačnaha abjomu impartu ź nievialikim. Naprykład, u studzieni impart skłaŭ $2471,2 miljona.
Ciapier čytajuć
Jak u halečy śpivałasia radnia Łukašenki? Małaviadomyja fakty11
Kamientary