Składzienyja fotarobaty dvuch mužčyn, jakija padazrajucca ŭ datyčnaści da teraktu ŭ mietro
Pra heta žurnalistam paviedamiŭ 12 krasavika ministr unutranych spraŭ Anatol Kulašoŭ. Pry hetym jon miarkuje, što padazravanych moža być bolš.
Ministr paviedamiŭ taksama, što ciapier prahladajucca videazapisy, «kanfiskavanyja ź miesca złačynstva, i nie tolki».
Pavodle jaho słoŭ, 11 krasavika ŭžo była atrymana infarmacyja ad šerahu hramadzian u dačynieńni da niekalkich padazronych asob.
Jak paviedamiŭ Kulašoŭ, samarobnaje vybuchovaje prystasavańnie ź vialikaj dolaj vierahodnaści było radyjokiravanym. Da kanca siońniašniaha dnia płanujecca ŭstalavać bolš dakładny ekvivalent mahutnaści, kampanienty pryłady i charaktar vybuchu. Ciapier viadoma, što pryłada była načynienaja mietaličnymi šarykami, armaturaj i ćvikami.
«Metaj złačyncy było naniasieńnie maksimalna bolšaha paražeńnia ludziam», — skazaŭ ministr. Jon paviedamiŭ, što ŭvieś asabisty skład MUS pieraviedzieny na ŭzmocnieny varyjant niasieńnia słužby. 11 krasavika ŭviedzieny płany «Sirena» i «Tunel», 12 krasavika — płan «Arsienał». Apošni, jak adznačyŭ Kulašoŭ, nakiravany nie tolki na vyjaŭleńnie niezakonnaha zbroi, ale i na pravierku asob, słužbaŭ i arhanizacyj, jakija majuć dazvoł na zachoŭvańnie zbroi.
U metach uzmacnieńnia biaśpieki mietrapalitena na kancavych stancyjach ŭstalavana 15 mietaładetektaraŭ, paviedamiŭ Kulašoŭ. Pavodle jaho słoŭ, raboty na stancyi mietro «Kastryčnickaja» płanujecca zaviaršyć na praciahu
Kulašoŭ abvierh nieaficyjnuju infarmacyju ab tym, što jašče 10 krasavika ŭ dziažurnyja častcy milicyi pastupali paviedamleńni hramadzian ab tym, što jany bačyli ŭ mietro žančyn, padobnych na šachidak. Jak zajaviŭ ministr, takaja infarmacyja ŭ dziažurnyja častcy HUUS, MUS i rajonnych UUS nie pastupała.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary