«Moža, hetyja dziejačy ad „piataj kałony“ raskryjuć karty i pakažuć, chto zakazaŭ», — zajaviŭ Łukašenka, zasłuchoŭvajučy dakład pra chod rasśledavańnia teraktu. Jak adreahavali apazicyjnyja palityki na daručeńnie prezidenta dapytać «dziejačaŭ ad palityki» z metaj znajści saŭdzielnikaŭ i zakazčykaŭ vybuchu ŭ mietro?
— Mnie chočacca płakać naŭzryd, — pryznaŭsia lidar Abjadnanaj hramadzianskaj partyi Anatol Labiedźka. — Učora ja pračnuŭsia ź dziŭnaj dumkaj: «Kali b ty byŭ ciapier u „amierykancy“, u ciabie było b stopracentnaje alibi». Heta ž treba davieści situacyju da takoha!
Na dumku Labiedźki, z apazicyi chočuć zrabić «rudoha Čubajsa, u toj čas jak jana pad asfaltavym katkom».
Adzin ź lidaraŭ hramadzianskaj kampanii «Havary praŭdu!» Alaksandr Fiaduta, jaki niadaŭna vyjšaŭ ź SIZA KDB, aściarožny ŭ acenkach. Jon admoviŭsia kamientavać zajavu kiraŭnika dziaržavy.
— Ja nie źjaŭlajusia lidaram apazicyi i nie adnošusia da «piataj kałony». Mianie nichto nie dapytvaŭ, — zajaviŭ Fiaduta ŭ hutarcy z karespandentam «Salidarnaści». — Kali spytajuć, ja skažu, dzie znachodziŭsia ŭ momant vybuchu. Ja spadziajusia, što mianie prasłuchoŭvali i prahladali. Adčuvaju siabie spakojna i ŭpeŭniena, jak i kožny čałaviek z čystym sumleńniem. Ja liču, što niama siły ni va ŭładzie, ni ŭ apazicyi, jakaja była b zacikaŭlenaja ŭ vybuchu ŭ mietro.
Fiaduta vykazaŭ zdahadku, što dumka ab datyčnaści dziejačaŭ apazicyi da teraktu Łukašenku mahli padkinuć.
Alaksandr Milinkievič upeŭnieny, što ŭ biełaruskaj apazicyi niama takich radykalnych piersanažaŭ i hrupaŭ, jakija mahli b «zamović» terakt.
— Ja ŭ apazicyi z časoŭ pierabudovy, i viedaju, što siarod demakratyčnaj supolnaści niama ludziej, jakija arhanizavali b ci raspracavali scenar vybuchu ŭ mietro, — adznačyŭ Milinkievič.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary