Uradam Biełarusi zaćvierdžanyja pieraliki tavaraŭ (rabot, pasłuh), ceny (taryfy) na jakija rehulujucca.
Adpaviednaje rašeńnie pryniata pastanovaj Savieta ministraŭ ad 14 krasavika 2011 hoda № 495. Dakumient ustupić u siłu paśla jaho aficyjnaha apublikavańnia, paviedamlaje pres-słužba ŭrada.
U adpaviednaści z pastanovaj, u pieralik sacyjalna značnych tavaraŭ (rabot, pasłuh), ceny (taryfy) na jakija rehulujucca Ministerstvam ekanomiki, uvajšło 14 pazicyj. Heta chleb, miasa (jałavičyna, śvinina), małako, suchija małočnyja sumiesi i miasnyja kansiervy dla dziciačaha charčavańnia, cukar-piasok, muka pšaničnaja, krupy (rys bieły šlifavany, prosa, hreckuju, mannaja), makaronnyja vyraby, miasa ptuški, jajka kurynaje , masła śmietankovaje, alej słaniečnikavy i rapsavy, aharodninnyja, fruktova-jahadnyja, płodaaharodninnyja kansiervy i soki dla dziciačaha charčavańnia. Taksama ŭ hetym pieraliku znachodziacca pasłuhi dziciačych azdaraŭlenčych łahieraŭ.
U pieralik sacyjalna značnych tavaraŭ (rabot, pasłuh), ceny (taryfy) na jakija rehulujucca abłvykankamami i Minskim harvykankamam, uvajšli takija tavary, jak bulba, kapusta, buraki, morkva, cybula. U hetym pieraliku znachodziacca i ćviordaje paliva, paliŭnyja brykiety, drovy dla nasielnictva. Vyznačanyja vosiem vidaŭ tavaraŭ dla dziaciej, ceny na jakija rehulujucca. U lik pasłuh, što akazvajucca nasielnictvu, uvajšli rytualnyja (u miežach minimumu pachavalnaha rytuału); ahulnych adździaleńniaŭ łaźniaŭ (za vyklučeńniem razradaŭ pieršaha, vyšejšaha i "luks") i dušavych; sacyjalnyja, jakija pradstaŭlajucca dziaržaŭnymi ŭstanovami sacyjalnaha absłuhoŭvańnia sistemy orhanaŭ pa pracy, zaniataści i sacyjalnaj abaronie.
Pieralik płatnych miedycynskich pasłuh, taryfy na jakija rehulujucca Ministerstvam achovy zdaroŭja (pa ŭzhadnieńni ź Ministerstvam ekanomiki), uklučaje piać najmieńniaŭ. Heta stamatałahičnyja pasłuhi (artadantyčnyja, artapiedyčnyja i zubatechničnyja), dyjahnastyčnyja pasłuhi (łabaratornaja, pramianiovaja, ultrahukavaja, funkcyjanalnaja i endaskapičnaja dyjahnostyka), kansultacyi lekaraŭ-śpiecyjalistaŭ (za vyklučeńniem kansultacyj zamiežnych lekaraŭ-śpiecyjalistaŭ), prafiłaktyčnyja i abaviazkovyja miedycynskija ahlady hramadzian. Taksama ŭ hetym pieraliku znachodzicca miedycynski ahlad stanu zdaroŭja hramadzian dla atrymańnia miedycynskaj daviedki ab stanie zdaroŭja, jakaja paćviardžaje adsutnaść procipakazańniaŭ da vałodańnia zbrojaj, hodnaść da kiravańnia miechaničnymi transpartnymi srodkami, samachodnych mašyn, małamiernych sudami, a taksama inšyja vidy miedahladu i ekśpiertyz, jakija ładziacca pa žadańni hramadzian.
Zaćvierdžany taksama pieralik pasłuh elektrasuviazi i paštovaj suviazi ahulnaha karystańnia, taryfy na jakija rehulujucca Ministerstvam ekanomiki. Tut havorka idzie ab pradstaŭleńni dostupu da miascovaj telefonnaj sietki z vykarystańniem kancavoj abanienckaj pryłady (telefona). Siudy adnosicca pradstaŭleńnie miascovych telefonnych złučeńniaŭ abanientam sietki stacyjanarnaj elektrasuviazi z vykarystańniem kancavoj abanienckaj pryłady (telefona). Płata ŭklučaje abaniemientnuju i pahadzinnuju płatu dla abanientaŭ miascovych telefonnych sietak, pierakładzienych na pahadzinnuju sistemu apłaty hutarak.
U dadzienym pieraliku pasłuh - pradastaŭleńnie miascovych telefonnych złučeńniaŭ karystalnikam sietki stacyjanarnaj elektrasuviazi z vykarystańniem taksafona, pradastaŭleńnie mižharodnich telefonnych złučeńniaŭ abanientam sietki stacyjanarnaj elektrasuviazi, pradastaŭleńnie dostupu da sietki internet u punktach kalektyŭnaha karystańnia, karystańnie kancavoj abanienckaj pryładaj sietki pravadnoha viaščańnia. Taksama buduć rehulavacca ceny na pierasyłku ŭnutranych prostych adpraŭleńniaŭ piśmovaj karespandencyi (paštovych kartak, listoŭ, banderolaŭ), na vypłatu piensij, dapamoh, kampiensacyj i ažyćciaŭleńnie inšych vypłat, na propusk trafiku pamiž sietkami apierataraŭ sotavaj ruchomaj elektrasuviazi za adnu chvilinu złučeńnia.
Pastanovaj № 495 taksama pryznanyja straciŭšymi siłu šerah pastanoŭ Savieta Ministraŭ, jakija tyčacca cenavaha rehulavańnia.
