Uviadzieńnie ipatečnaha kredytavańnia nia spynić rost cen na žyllo.
Uviadzieńnie ipatečnaha kredytavańnia nie spynić rost cen na žyllo. Ale hety instytut stanie ŭ Biełarusi dziejučym miechanizmam pavieličeńnia mahčymaściej hramadzian pabudavać sabie žyllo. Ab hetym zajaviŭ pieršy namieśnik ministra ekanomiki Piotr Žabko, pradstaŭlajučy 14 śniežnia ŭ Pałacie pradstaŭnikoŭ Nacyjanalnaha schodu zakonaprajekt ab ipatecy.
Jon adznačyŭ, što ceny na žyllo "tady buduć narmalnyja, kali popyt i prapanavańnie na jaho ŭraŭnujucca". Pakul hetaha niama, žylla dla čarhavikoŭ nie chapaje. Ciapier u Minsku, naprykład, žyllo atrymlivajuć hramadzianie, jakija stali na čarhu ŭ 1987 hodzie.
U chodzie abmierkavańnia zakonaprajekta deputaty ŭźniali pytańnie prodažu žylla hramadzianami, jakija atrymali jaho jak majučyja patrebu ŭ palapšeńni žyllovych umoŭ. Za apošnija hady ŭ Minsku pradadziena bolš jak 600 tys.kv.m žylla, pabudavanaha z vykarystańniem lhotnych 5-pracentnych kredytaŭ. Pryniaćcie zakona ab ipatecy daść mahčymaść u dalejšym nie dapuścić takich situacyj, ličać deputaty.
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA3
Kamientary