Minharvykankam padtrymaŭ prapanovu ab adnaŭleńni ŭ centry stalicy kaścioła daminikancaŭ

Minharvykankam padtrymaŭ prapanovu staršyni Biełaruskaha dobraachvotnaha tavarystva achovy pomnikaŭ historyi i kultury Antona Astapoviča adnavić na Kastryčnickaj płoščy stalicy kaścioł Śviatoha Tamaša Akvinskaha — pomnik baroka XVII–XVIII stahodździaŭ.

Pavodle słovaŭ Astapoviča, u svaim liście kamitet architektury i horadabudaŭnictva Minharvykankama paviedamiŭ, što prapanova hramadskaha abjadnańnia nakiravana dyrekcyi KUP «Minskaja spadčyna» dla razhladu pry prajektavańni šmatuzroŭnievaj aŭtastajanki ŭ rajonie Kastryčnickaj płoščy.

Jak adznačyŭ Astapovič, u liście da kiraŭnictva «Minskaj spadčyny» jon prosić piśmova prainfarmavać tavarystva ab vynikach razhladu eskiznaj prapanovy.

Padmurki kaścioła — adnaho z samych pryhožych i značnych pomnikaŭ ajčynnaj architektury, zrujnavanaha ŭ 1950 hodzie, byli zafiksavany ŭ 1986 hodzie na rahu vulic Internacyjanalnaja i Enhielsa kala Pałaca Respubliki. Fasad kaścioła ujaŭlaŭ saboj bahata dekaravanuju trochniefavuju padoŭžanavosievuju baziliku. Interjer vyznačaŭsia pyšnaściu i bahaćciem, byŭ raśpisany freskami, uklučaŭ 14 ałtaroŭ. Na chorach stajaŭ samy vialiki i pryhožy ŭ horadzie arhan — na 24 hałasy.

Niahledziačy na składanaść sučasnaj horadabudaŭničaj situacyi, adnaŭleńnie stračanaha pomnika dojlidstva, na dumku hramadskaści, mahčymaje i z techničnaha boku nie ŭjaŭlaje składanaści.

Zaraz viadziecca raspracoŭka navukova-prajektnaj dakumientacyi pa rekanstrukcyi Kastryčnickaj płoščy z pabudovaj šmatuzroŭnievaj padziemnaj aŭtastajanki, jakaja dazvolić razhruzić ad transpartu histaryčny centr stalicy — Vierchni horad i arhanizavać na jaho terytoryi piešachodnuju zonu. U miežach realizacyi hetaha prajekta Astapovič prapanuje razhledzieć mahčymaść adnaŭleńnia pad kancertnuju zału histaryčnaha abjomu byłoha kaścioła jak adnoj z architekturnych daminantaŭ centra stalicy, što arhanična raźmiažuje zabudovu horada pieryjadu XVII–XIX stahodździaŭ z ansamblem siaredziny XX stahodździa.

Adnaŭleńnie zrujnavanaha pomnika adpaviadaje ajčynnamu i mižnarodnamu zakanadaŭstvu, u tym liku punktu 3.1 artykuła 36 zakona «Ab achovie historyka-kulturnaj spadčyny Respubliki Biełaruś» i Ryžskaj chartyi 2000 hoda ab aŭtentyčnaści histaryčnaj rekanstrukcyi ŭ adnosinach da kulturnaj spadčyny.

Pra kaścioł i manastyrski kompleks padrabiaźniej piša błohier darriuss. Rendary i tekst lista Astapoviča tut.

• 0
• 0
• 0
• 0
• 0
• 0
• 0
• 0