25-hadovaja žycharka Minskaj vobłaści atrymała piać hadoŭ za handal ludźmi

Ustupiŭ u siłu prysud u dačynieńni da 25-hadovaj žycharki adnaho z rajcentraŭ na zachadzie Minskaj vobłaści, pryznanaj vinavataj u handli ludźmi (č. 2 art. 181 KK). Nazva horada nie nazyvajecca ŭ intaresach paciarpiełych i śledstva.

Abvinavačvanaja była zamužam za hramadzianinam Turcyi i ŭstupiła ŭ złačynnuju zmovu z hramadzianami hetaj krainy. Ad listapada 2009 hoda da 25 sakavika 2010 h. źbirała ŭ Minsku i adnym z rajcentraŭ Minskaj vobłaści maładych małazabiaśpiečanych žančyn i pad roznymi padstavami, u tym liku šlacham padmanu, pierakonvała ich vyjechać u Turcyju dla pracaŭładkavańnia na niby vysokaapłatnuju pracu. Praca, pavodle jaje słovaŭ, mahła być źviazanaja, z akazańniem pasłuh klijentam zabaŭlalnych ustanoŭ -- a mienavita z sumiesnym raśpićciom śpirtnych napojaŭ (zaniatak kansumacyjaj).

Abvinavačvanaja vierbavali žančyn, u tym liku tych, ź jakimi była raniej znajomaja, vykarystoŭvajučy ich ciažkija siamiejnyja i asabistyja abstaviny. Zahadzia nie źbirałasia vykonvać pryniatyja na siabie abaviazacielstvy, zahadzia ŭśviedamlajučy, što ŭ Turcyi paciarpiełyja buduć padvierhnutyja pracoŭnaj ekspłuatacyi. Jana ŭvodziła zavierbavanych žančyn u zman adnosna rodu i ŭmoŭ majučaj adbycca raboty, a taksama pamieraŭ zarobku. Žančyny ličyli, što ich znajomaja zasłuhoŭvaje davieru. Atrymaŭšy zhodu paciarpiełych, abvinavačvanaja arhanizoŭvała ich pierapraŭku ŭ Stambuł, apłačvała vydatki, źviazanyja z nabyćciom biletaŭ na samalot i pierasiačeńniem miažy.

U Turcyi jana pieradavała ich suŭdzielnikam złačynstva - ułaśnikam načnoha kłuba, jakija padviarhali ich prymusovaj pracoŭnaj ekspłuatacyi. Jak zajaŭlajuć biełaruskija śledčyja, złačyncy daviali da žančyn rasparadak dnia i praviły vykanańnia zakazaŭ, pry hetym ažyćciaŭlali za imi bieśpierapynny nahlad, nie dajučy mahčymaści vychodzić z pamiaškańniaŭ na vulicu i brać u klijentaŭ hrašovyja srodki, užyvali da ich psichałahičnaje ŭździejańnie šlacham roznych pahroz, a taksama fizičnaje hvałt, zmušajučy zajmacca kansumacyjaj, kanfiskoŭvali ŭsie zaroblenyja hrašovyja srodki, šantažavali paciarpiełych nieabchodnaściu pahašeńnia doŭhu za arhanizacyju ich pajezdki i apłačanuju ŭ kredyt darohu.

Dźvie paciarpiełyja, daviedzienyja da adčaju, u siaredzinie krasavika 2010 h. źviarnulisia da pradstaŭnika pasolstva Biełarusi ŭ Turcyi, paśla čaho byli pryniaty miery pa ich viartańni na radzimu. Astatnija paciarpiełyja viarnulisia dadomu samastojna pa zakančeńni dziejańnia aformlenych na ich turystyčnych viz albo byli departavany z Turcyi paśla zatrymańnia palicyjaj u suviazi ź niezakonnaj pracoŭnaj dziejnaściu na terytoryi krainy.

"U vyniku dziejańniaŭ abvinavačvanaj siem žančyn byli padvierhnutyja pracoŭnaj ekspłuatacyi, u vyniku čaho jany pieranieśli prynižeńnie, vymušanyja byli haładać, byli pazbaŭlenyja srodkaŭ da isnavańnia. Jašče ŭ dačynieńni da šaści žančyn abvinavačvanaj inkryminavaŭsia zamach na handal ludźmi, pakolki jany nie pahadzilisia na jaje prapanovu, i pa hetaj pryčynie, nie zaležnaj ad abvinavačvanaj, złačynstva nie było daviedziena da kanca. Za svaje dziejańni, jakija vyjaŭlajucca ŭ viarboŭcy, pieravozcy i pieradačy biełaruskich žančyn u Tureckuju Respubliku, abvinavačvanaja atrymała ad saŭdzielnikaŭ złačynstva ŭznaharodžańnie ŭ sumie nie mienš 1.650 dalaraŭ ZŠA, havorycca ŭ materyjałach śledstva.

• 0
• 0
• 0
• 0
• 0
• 0
• 0
• 0