Manitorynh homielskich mahazinaŭ 20 maja pakazaŭ adsutnaść u bujnych handlovych punktach soli i deficyt miasa — śviežamarožanaha i astudžanaha, kurynaha i śvinoha. Naprykład, u adnym z praduktovych mahazinaŭ na vulicy Pieramohi ŭ prodažy sa śviežamarožanaha miasa byŭ tolki «korm dla žyvioły jałavičny».
U hipiermarkietach «Ałmi» i «Linija» pa stanie na 19.00–19.40 była tolki marskaja sol, z Partuhalii, pa košcie 4.150 rubloŭ za 250 h. Sa śviežamarožanaha miasa ŭ adnym z bujnych mahazinaŭ była tolki śvinaja skurka pa canie 1.640 rubloŭ za kiłahram.
Amal udvaja padaraželi myjnyja srodki. Choć i kaniec pracoŭnaha dnia, ale pakupnikoŭ u hetych mahazinach značna mienš, čym u zvyčajnyja dni, i da kas jany padychodziać z paŭparožnimi cialežkami. Hramadzianie biaruć hałoŭnym čynam tolki pradukty pieršaj nieabchodnaści — chleb, jajki, małako, sasiski. U
Na rynku «Centralny» ceny na niekatoryja vidy tavaraŭ značna vyšejšyja, čym u mahazinach. Naprykład, upakoŭka kavy Lavazza na rynku kaštuje 46 tys. rubloŭ, u hipiermarkiecie «Linija» — 33 tys. rubloŭ. Roźnica ŭ canie na čaj bujnalistavy na rynku i ŭ hipiermarkiecie składaje ad 1 da 5 tysiač rubloŭ.
U bankamatach źjavilisia najaŭnyja hrošy i źnikli čerhi. 19 maja biełaruskija najaŭnyja hrošy karystalisia siarod hamialčan asablivym popytam
Sa śpisu miescaŭ udałych zakupaŭ hamielčukoŭ źnik ukrainski Čarnihaŭ —