Prysud pa kryminalnaj spravie supraćeks-kandydataŭ u prezidenty Mikoły Statkieviča i Dźmitryja Usa, a taksama šarahovych udzielnikaŭ Płoščy Alaksandra Kłaskoŭskaha, Alaksandra Kviatkieviča, Dźmitryja Bułanava, Andreja Paźniaka i Arcioma Hrybkova budzie abvieščany siońnia, 26 maja, a 14 hadzinie ŭ sudzie Leninskaha rajona Minska (Siamaški, 33).
Raniej prysud adkładvaŭsia pa pryčynie chvaroby sudździ Hračovaj.
Nahadajem, što 18 maja prakuror Leninskaha suda zapatrabavaŭ zasudzić Mikałaja Statkieviča i Dźmitryja Usa na 8 i 7 hadoŭ kałonii, Alaksandra Kłaskoŭskaha (pa sukupnaści złačynstvaŭ) — da vaśmi z pałovaj hadoŭ pazbaŭleńnia voli ŭ kałonii ŭzmocnienaha režymu, Alaksandra Kviatkieviča, Dźmitryja Bułanava, Andreja Paźniaka i Arcioma Hrybkova — da čatyroch hadoŭ pazbaŭleńnia voli ŭ kałonii ŭzmocnienaha režymu. Dźmitryja Usa było prapanavana ŭziać pad vartu prosta ŭ zale suda, pakolki jon nie znachodziŭsia ŭ turmie.
Nahadajem, što ŭčora, 25 maja, Łukašenka zajaviŭ u Astanie, što «my vierahodna vypuścim usich palitviaźniaŭ».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary