Łukašenka: Nie vyklučana, što my vyzvalim palitviaźniaŭ

Alaksandr Łukašenka nie vyklučyŭ mahčymaści vyzvaleńnia arhanizataraŭ akcyi 19 śniežnia 2010 h. u Minsku.

"Zavadataraŭ zaklikali da adkazu pavodle zakonu. Da hetaha času kryčać: "Palitviaźni, vyzvalicie". Choć, zdavałasia b, užo usich adpuścili, akramia dvuch, jakija ŭ avanhardzie išli. Vyzvalim i tych, musić. Niama čaho dziaržaŭnyja hrošy prajadać u turmie, prajadać chleb", -- zajaviŭ A. Łukašenka ŭ sieradu ŭ Astanie, vystupajučy ŭ Jeŭrazijskim nacyjanalnym univiersitecie imia Ł. Humilova, paviedamlaje Interfaks.

Nahadajem, što za ŭdzieł u padziejach na Płoščy na roznyja terminy i formy źniavoleńnia asudžana 35 čałaviek, u tym liku try eks-kandydaty ŭ prezidenty (Andrej Sańnikaŭ, Uładzimir Niaklajeŭ, Vital Rymašeŭski). Prysud Mikałaju Statkieviču i Dźmitryju Usu budzie vyniesieny ŭ čaćvier, 26 maja.

Za ŭdzieł i kiravańnie «masavymi biesparadkami» eks-kandydat u prezidenty Andrej Sańnikaŭ asudžany na 5 hadoŭ kałonii ŭzmocnienaha režymu, šarahovyja ŭdzielniki akcyi Aleh Hniedčyk za ŭdzieł u «masavych biesparadkach» asudžany na 3,5 hoda, Ilja Vasilevič, Fiodar Mirzajanaŭ, Uładzimir Jaromienak — na try hady kałonii ŭzmocnienaha režymu. Usie jany abvinavačvalisia pavodle artykuła «masavyja biesparadki» (maksimalny termin — da 15 hadoŭ).

Eks-kandydatu ŭ prezidenty Uładzimiru Niaklajevu dali 2 hady pazbaŭleńnia voli z adterminoŭkaj na 2 hady, Vitalu Rymašeŭskamu -- hod umoŭna,

Siarhieju Vaźniaku, Alaksandru Fiadutu, Andreju Dźmitryjevu — 2 hady ŭmoŭna, Naście Pałažancy — 1 hod umoŭna.

Vasil Parfiankoŭ, jaki atrymaŭ čatyry hady pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Mikita Lichavid — da troch z pałovaj hadoŭ pazbaŭleńnia voli, Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu. Aleś Kirkievič asudžany na 4 hady źniavoleńnia, Pavieł Vinahradaŭ — na 4 hady, Andrej Pratasienia — 3 hady, Źmicier Drozd — na 3 hady, Uładzimir Chamičenka — 3 hady.

Uładzimir Łoban asudžany da 3 hod pazbaŭleńnia voli, Andrej Fiedarkievič — da 3,5, Jaŭhien Sakret — da 3, Siarhiej Kazakoŭ — da 3, Dźmitryj Daronin — da 3,5 hadoŭ u kałonii ahulnaha režymu, Vital Macukievič — da 3 hadoŭ kałonii stroha režymu.

Za padrychtoŭku dziejańniaŭ, što parušajuć hramadski paradak (art. 342), na 2 hady kałonii ahulnaha režymu byŭ asudžany kaardynatar «Jeŭrapiejskaj Biełarusi» Źmicier Bandarenka.

Pavieł Sieviaryniec byŭ asudžany na try hady abmiežavańnia voli z nakiravańniem u miesca adbyćcia pakarańnia (h.zn. chimii), žonka Andreja Sańnikava, žurnalistka Iryna Chalip na dva hady abmiežavańnia voli z adterminoŭkaj na dva hady, taki ž termin atrymaŭ i kiraŭnik štaba Mikałaja Statkieviča Siarhiej Marcaleŭ.

Aproč taho, za złosnaje chulihanstva byli taksama asudžanyja Źmicier Daškievič i Eduard Łobaŭ — na dva i čatyry hady pazbaŭleńnia voli adpaviedna. Ich zatrymali 18 śniežnia, za dzień da prezidenckich vybaraŭ.

U čaćvier budzie abvieščany prysud apošnim udzielnikam Płoščy-2010.

18 maja prakuror Leninskaha suda zapatrabavaŭ zasudzić Mikałaja Statkieviča i Dźmitryja Usa na 8 i 7 hadoŭ kałonii, Alaksandra Kłaskoŭskaha (pa sukupnaści złačynstvaŭ) — da vaśmi z pałovaj hadoŭ pazbaŭleńnia voli ŭ kałonii ŭzmocnienaha režymu, Alaksandra Kviatkieviča, Dźmitryja Bułanava, Andreja Paźniaka i Arcioma Hrybkova — da čatyroch hadoŭ pazbaŭleńnia voli ŭ kałonii ŭzmocnienaha režymu. Dźmitryja Usa było prapanavana ŭziać pad vartu prosta ŭ zale suda, pakolki jon nie znachodziŭsia ŭ turmie.

• 0
• 0
• 0
• 0
• 0
• 0
• 0
• 0