«Bomba» vyjaviłasia kardonnaj skrynkaj dla kvietak.
A 12 hadzinie kala pomnika Maksimu Bahdanoviču ŭ Minsku adbyłasia impreza da Dnia pamiaci Paeta (25 maja 1917 hoda Bahdanovič pamior). Paśla imprezy prysutnyja źviarnuli ŭvahu na kardonnuju skrynku la noh Bahdanoviča. Pakiet byŭ niezvyčajny tym, što ź jaho tyrčali štučnyja, płastmasavyja kvietki. Dyk našto pakiet? Vadu nalivać? U vyniku amatary Bahdanoviča vyklikali milicyju — u śviatle terakta ŭ mietro ludzi vyrašyli pierastrachavacca.
Padazronaja skrynka – sprava la noh Bahdanoviča
Našto štučnyja kvietki stavić u takuju skrynku?
Chvilin praz 15 na miescy źjavilisia niekalki milicyjantaŭ u kaskach i broniekamizelkach, jakija ačapili pomnik.
Minakoŭ prymušali pierachodzić na inšy bok vulicy.
Praz 40 chvilin źjaviłasia «hrupa raźminiravańnia» — supracoŭnik MNS u formie i čałaviek u pinžaku.
Potym čałaviek u pinžaku staŭ niekamu telefanavać i tłumačyć, što «ničoha strašnaha».
Potym uziaŭ pakiet u ruki… i panios na łaŭku la Opiernaha teatra.
Apieracyja była zavieršanaja paśpiachova.
