«Бомба» выявілася кардоннай скрынкай для кветак.
А 12 гадзіне каля помніка Максіму Багдановічу ў Мінску адбылася імпрэза да Дня памяці Паэта (25 мая 1917 года Багдановіч памёр). Пасля імпрэзы прысутныя звярнулі ўвагу на кардонную скрынку ля ног Багдановіча. Пакет быў незвычайны тым, што з яго тырчалі штучныя, пластмасавыя кветкі. Дык нашто пакет? Ваду наліваць? У выніку аматары Багдановіча выклікалі міліцыю — у святле тэракта ў метро людзі вырашылі перастрахавацца.
Падазроная скрынка – справа ля ног Багдановіча
Нашто штучныя кветкі ставіць у такую скрынку?
Хвілін праз 15 на месцы з’явіліся некалькі міліцыянтаў у касках і бронекамізэльках, якія ачапілі помнік.
Мінакоў прымушалі пераходзіць на іншы бок вуліцы.
Праз 40 хвілін з’явілася «група размініравання» — супрацоўнік МНС у форме і чалавек у пінжаку.
Потым чалавек у пінжаку стаў некаму тэлефанаваць і тлумачыць, што «нічога страшнага».
Потым узяў пакет у рукі… і панёс на лаўку ля Опернага тэатра.
Аперацыя была завершаная паспяхова.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)