Cud prybraŭ niekatoryja tendencyjnyja farmuloŭki z vyznačeńnia Vyšejšaha haspadarčaha suda ad 27 krasavika.
Cud prybraŭ niekatoryja tendencyjnyja farmuloŭki z vyznačeńnia Vyšejšaha haspadarčaha suda ad 27 krasavika.
U «Narodnaj voli» 2 červienia byŭ čarhovy sud. Vydańnie abskardžvała «vyznačeńnie» Vyšejšaha haspadarčaha suda (VHS) ad 27 krasavika — ab pryniaćci da razhladu zysku Mininfarmacyi nakont zakryćcia vydańnia.
U vyniku sud prybraŭ niekatoryja tendencyjnyja farmuloŭki, ale ŭsio roŭna budzie razhladać zysk suprać vydańnia.
«My aznajomilisia z hetym „vyznačeńniem“ namieśnika staršyni Vyšejšaha Haspadarčaha suda sp-ra Jahorava i ŭbačyli tam farmuloŭki, jakija staviać pad sumnieŭ abjektyŭnaść i spraviadlivaść budučych rašeńniaŭ pa našaj spravie», — raspavioŭ pres-słužbie HA «BAŽ» pradstaŭnik intaresaŭ vydańnia ŭ sudzie, namieśnik staršyni Biełaruskaha Chielsinkskaha Kamitetu Hary Pahaniajła.
U pryvatnaści, u dakumiencie havaryłasia pra «sistematyčny charaktar parušeńniaŭ zakanadaŭstva» z boku haziety i pra toje, što jaje dalejšy vychad moža «nanieści škodu dziaržaŭnym i hramadskim intaresam».
«Narodnaja vola» abskardziła «vyznačeńnie» ŭ kasacyjnym paradku, nastojvajučy na jaho admienie i na pieradačy spravy ŭ Haspadarčy sud h. Minska.
Siońnia kalehija VHS pahadziłasia z zaŭvahaj nakont niekarektnaści niekatorych farmulovak i vyklučyła ich z dakumienta, ale samo «vyznačeńnie» pakinuła ŭ sile i ŭ viedańni svajoj ustanovy. Tym nie mienš, spadar Pahaniajła ličyć heta «maleńkaj pieramohaj» — na jaho dumku, kalehija faktyčna pryznała nieabjektyŭny padychod niekatorych sudździaŭ.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi2
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary