«NN» paraŭnała ceny na harełku z cenami na samyja nieabchodnyja pradukty.
«NN» paraŭnała ceny na harełku z cenami na samyja nieabchodnyja pradukty.Dla ekśpierymientu była vybranaja adna ź vialikich praduktovych kramaŭ, raźmieščanaja na praśpiekcie Niezaležnaści biełaruskaj stalicy. Znajści tannuju harełku tam akazałasia nie tak prosta — tolki na samych nižnich palicach karespandent zmoh uhledzieć zvyčajnuju paŭlitrovuju plašku viciebskaj harełki, koštam roŭna 10 tysiač rubloŭ.
Adpaviedna, sto hramaŭ hetaha papularnaha ŭ narodzie napoju buduć kaštavać biełarusu 2 tysiačy.
Naviedvańnie inšych adździełaŭ kramy ŭviało ŭ smutak. Za hrošy, jakija žychar našaj krainy ciapier moža patracić na sto hramaŭ harełki, u staličnaj kramie možna nabyć krychu bolš za sto hramaŭ varanaj kaŭbasy (siaredni košt — 17 tys. za kh), sto hramaŭ sasisak (19 tys za kh), 200 hramaŭ pamidoraŭ (10 tys. za kh), sto hramaŭ syru (u zaležnaści ad sortu, jon moža kaštavać u 2–3 razy daražej), paŭkili chleba, 400 hram biełaruskaj bulby.
Nie lepš i z sadavinaj. Zamiest pałovy šklanki harełki biełarus zaraz moža nabyć tolki 150 hramaŭ apielsinaŭ (mienš za adzin), sto hramaŭ jabłykaŭ, 200 hramaŭ bananaŭ.
Šakaład u Biełarusi (navat samy tanny, ajčynny), kaštuje kala piaci tysiač za stohramovuju plitku. Harełka tańniejšaja ŭ 2,5 raza.
Adnak najbolš vyhadna harełka vyhladaje ŭ paraŭnańni ź viandlinaj i vendžanaj kaŭbasoj. Ceny na hetyja pradukty ŭ zvyčajnaj mienskaj kramie siahajuć 40–60 tysiač rubloŭ za kiłahram. Heta ŭ 2–2,5 razu daražej za harełku.
Ciapier čytajuć
Čamu ŭ biełaruskaj turmie tak mocna chudziejuć? Tłumačym11
Kamientary