Rasiejski šarłatan śćviardžaje, što mieŭ dźviuchhadzinnuju sustreču z Makiejem
Adyjozny rasiejski biznesmen Hierman Ścierlihaŭ paviedamlaje ŭ svaim błohu, što prapanavaŭ Alaksandru Łukašenku płan.
Adyjozny rasiejski biznesmen Hierman Ścierlihaŭ paviedamlaje ŭ svaim błohu, što prapanavaŭ Alaksandru Łukašenku płan.
Sa słovaŭ Ścierlihava, sustreča z Uładzimiram Makiejem doŭžyłasia bolš za dźvie hadziny i skončyłasia abiacańniem «nieadkładna dałažyć prezidentu ab prapanavanym płanie dziejańniaŭ».
Adnak vynikami sustrečy «pravasłaŭny chryścijanin» zastaŭsia niezadavoleny i zrabiŭ vysnovu, što ŭ Biełarusi isnuje «zmova ŭ samych vierchnich ešałonach ułady».
«Štučna stvorany finansavy kryzis maje svaich zakazčykaŭ i vykanaŭcaŭ. I tych, chto vykonvaje funkcyju izalacyi Łukašenka ad realnych prapanoŭ pa vychadzie z kryzisu i zachavańnia isnujučaj ułady», — upeŭnieny pieršy saviecki miljanier.
«Apošnija tydni, praviedzienyja mnoju na terytoryi Biełarusi, i sproby hrupy bujnych rasijskich i biełaruskich biźniesmienaŭ pradstavić płan vychadu ź situacyi, jakaja skłałasia, pakazvaje poŭnuju izalacyju prezidenta krainy ad usiakich prapanoŭ biez adabreńnia ich Prakapovičam i Makiejem», — piša Ścierlihaŭ.
«Łukašenka — u błakadzie. A značyć — asudžany», — robić vysnovu Ścierlihaŭ.
Ścierlihaŭ — stvaralnik pieršaj u SSSR biržy «Alisa» i pieršy aficyjny saviecki miljanier. U roli adnaho z uładalnikaŭ «Trunnaj kantory bratoŭ Ścierlihavych» jon vyłučaŭ svaju kandydaturu na vybarach hubiernatara Krasnajarskaha kraju (2002) i na vybarach mera Maskvy (2003). Sprabavaŭ uziać udzieł u vybarach prezidenta Rasii (2004): paśla taho, jak jamu admovili ŭ rehistracyi kandydatam, źjechaŭ z Maskvy i pasialiŭsia razam z žonkaj i dziećmi na padmaskoŭnym chutary. U siaredzinu
«Trunnaja kantora bratoŭ Stierlihovych» usłaviłasia hałoŭnym čynam niestandartnymi i zapaminalnymi słohanami, prydumanymi samym Ścierlihavym: «Kudy ty skačaš, kałabok? — Śpiašajusia kupić hrobok!» abo «Vy źmieściciesia ŭ našy hrobiki biez dyjety i aerobiki».Ścierlihaŭ taksama ŭznačalvaje hramadski ruch «Słova i sprava», simvałam jakoha było Jevanhielle, ź jakoha tyrčać aŭtamat Kałašnikava i pistalet z hłušycielem.
U minułym Ścierlihaŭ nie raz pryciahvaŭ da siabie ŭvahu epatažnymi prapanovami i ŭčynkami. Niaŭžo vysokapastaŭleny biełaruski čynoŭnik sapraŭdy moh mieć cikavaść da takoha typa?
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady6
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary