U Brytanii ŭpieršyniu naradziłasia dzicia paśla pierasadki matki ad pamierłaj donarki
Žančyna naradziłasia biez matki i ŭ padletkavym uzroście daviedałasia, što nikoli nie zmoža mieć dziaciej, ale dziakujučy pierasadcy orhana ad pamierłaj donarki zmahła vynosić i naradzić ułasnaha syna. Z padrabiaznaściami znajomić BBC.
Chłopčyk Chjuha źjaviŭsia na śviet niezadoŭha da Rastva 2025 hoda ŭ adnoj z łondanskich balnic. Jaho maci, Hrejs Beł, maje sindrom Majera-Rakitanskaha-Kustera-Chaŭziera (MRKH) — redki pryrodžany parok raźvićcia, pry jakim adsutničaje funkcyjanalnaja matka, choć jaječniki raźvivajucca narmalna. U Vialikabrytanii hety stan sustrakajecca prykładna ŭ adnoj z 5 tysiač žančyn.
Pra toje, što jana nie zmoža vynosić dzicia, Beł daviedałasia ŭ 16 hadoŭ. Razam z partnioram Styvam Paŭełam jany razhladali mahčymaść surahatnaha maciarynstva, adnak spadziavalisia, što źjavicca mahčymaść transpłantacyi matki. I ŭ 2024 hodzie taki šaniec źjaviŭsia: znajšłasia donarka, i lekary paviedamili, što pierasadka mahčymaja.
Apieracyja doŭžyłasia kala 10 hadzin. Praź niekalki miesiacaŭ paśla transpłantacyi para prajšła praceduru ekstrakarparalnaha apładnieńnia (EKA), paśla čaho embryjon byŭ pieraniesieny ŭ pierasadžanuju matku. Ciažarnaść praciakała pad nahladam miedykaŭ.
Pavodle Hrejs, kali jana ŭpieršyniu ŭbačyła syna paśla rodaŭ, heta zdavałasia «sapraŭdnym cudam». Baćki chłopčyka publična padziakavali siamji donarki za «nievierahodny dar». Baćki pamierłaj žančyny, jakija pažadali zastacca ananimnymi, zajavili, što adčuvajuć «vializny honar» za spadčynu dački.
Jak adznačaje BBC, u Vialikabrytanii dziejničaje pryncyp «maŭklivaj zhody» na donarstva orhanaŭ: kali čałaviek zahadzia nie admoviŭsia, paśla śmierci ličycca, što jon zhodny stać donaram. Adnak pierasadka matki patrabuje asobnaj zhody siamji pamierłaj. Akramia matki, lekary pierasadzili jašče piać orhanaŭ donarki čatyrom ludziam.
Hetaja apieracyja — adna ź dziesiaci, jakija pravodziacca ŭ miežach kliničnaha daśledavańnia ŭ Vialikabrytanii. Try transpłantacyi ŭžo adbylisia, adnak mienavita hetaje naradžeńnie stała pieršym vypadkam, kali dzicia źjaviłasia na śviet paśla pierasadki matki ad pamierłaj donarki.
Grace Bell from Kent and was born without a viable womb, says her little boy Hugo, who is now 10 weeks old, is "simply a miracle".
More here: https://t.co/nMgx67I7XV pic.twitter.com/4RdjmE5FJ9
Raniej u 2025 hodzie ŭ krainie naradziłasia dziaŭčynka paśla pierasadki matki ad žyvoj donarki — orhan achviaravała starejšaja siastra maci.
Kali para vyrašyć naradzić jašče adno dzicia, pierasadžanuju matku płanujuć vydalić, kab žančynie nie daviałosia ŭsio žyćcio prymać imunasupresiŭnyja preparaty, jakija praduchilajuć adrynańnie orhana.
Miedyki padkreślivajuć, što dzicia, narodžanaje paśla takoj apieracyi, nie maje hienietyčnaj suviazi z donarkaj, bo embryjon stvarajecca z vykarystańniem kletak bijałahičnych baćkoŭ.
U śviecie ŭžo praviedziena bolš za 100 pierasadak matki, paśla jakich naradzilisia bolš za 70 zdarovych dziaciej. Brytanskija daktary spadziajucca, što ŭ budučyni hetaja pracedura stanie zaćvierdžanym mietadam lačeńnia dla žančyn, jakija naradzilisia biez matki abo stracili jaje ź inšych pryčyn.
Niekatoryja biełaruski iduć u surahatnyja mamy. Kolki za heta płaciać i chto z žančyn na heta hatovy?
Kitajskija miljardery stanoviacca baćkami dziasiatkaŭ dziaciej u ZŠA dziakujučy surahatnym maci. Adzin ź ich zajaviŭ pra 100 dziaciej
«Samaje staroje» dzicia ŭ śviecie naradziłasia z embryjona, jaki byŭ zamarožany 30 hadoŭ tamu
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki20
Kamientary