Heta ŭžo 46-y fihurant spravy pa padziejach viečara paśla prezidenckich vybaraŭ u Biełarusi.
Abvinavačańnie va ŭdziele ŭ masavych biesparadkach vystaŭlena Śviatasłavu Baranoviču. Heta novy, užo 46-y fihurant spravy pa padziejach viečara paśla prezidenckich vybaraŭ u Biełarusi.
Jak paviedamlajuć pravaabaroncy, da kanca śledstva chłopiec budzie utrymlivacca ŭ izalatary na vulicy Vaładarskaha.
Pavodle pravaabaroncy Nastaśsi Łojki, učora sa Śviatasłavam Baranovičam zdoleŭ sustrecca advakat, adnak pakul nieviadoma, ci naležyć chłopiec da štabu kahości z kandydataŭ u prezidenty albo niejkaj palityčnaj arhanizacyi:
– Maładomu čałavieku pradjavili abvinavačvańnie pa častcy 2 artykuła 293 “udzieł u masavych biesparadkach”. Na dadzieny momant jon znachodzicca pad vartaj u SIZA pa vulicy Vaładarskaha, i tam jon budzie znachodzicca da suda. Pakolki pradjavili abvinavačvańnie, sam termin śledstva praciahnuli da vieraśnia. To bok u ich jość try miesiacy, kab niešta rasśledavać.
Paśla padziejaŭ Płoščy, pa infarmacyi pravaabaroncaŭ, aktyvist užo adsiadzieŭ 10-sutačny aryšt, paśla čaho byŭ vyzvaleny.
Usiaho abvinavačańni pa spravie ab padziejach 19 śniežnia byli vystaŭlenyja 46 čałaviekam, paśla čaho siłavyja viedamstvy Biełarusi zajavili pra zakančeńnie raśśledavańnia. Razam z tym mnohija fihuranty spravy, uklučna z novym – Stanisłavam Baranovičam, jaki pachodzić ź Vilejki – praciahvajuć čakać pracesaŭ, jakija, praŭdapadobna, projduć uvosień.
Kamientary