Źmitra Bandarenku pakłali na lačeńnie ŭ respublikanski turemny špital. Źmicier Daškievič prapanavaŭ kiraŭnictvu śledčaha izalatara naniać pierakładčyka ź biełaruskaj movy. Aleś Atroščankaŭ atrymaŭ 35 paštovak, niekatoryja nie prapuściła turemnaja cenzura. Siarhiej Kazakoŭ trapiŭ u Babrujskuju kaloniju.
Na 15 lipienia pryznačany razhlad kasacyjnaj skarhi kaardynatara «Eŭrapiejskaj Biełarusi» Źmitra Bandarenki, asudžanaha Pieršamajskim sudom Miensku na 2 hady źniavoleńnia za padziei 19 śniežnia. Pra heta paviedamiła žonka palitviaźnia Volha Bandarenka. Aktualnym zastajecca pytańnie zdaroŭja viaźnia. 22 červienia Volha Bandarenka sustrakałasia ź lekaram izalatara na Vaładarskaha, ad jakoha daviedałasia, što muža pakłali dla lačeńnia ŭ respublikanski turemny špital:
«Na dadzieny momant viadoma, što narešcie pačaŭsia ruch, jaho spačatku pakłali ŭ medyčnuju častku, a potym u respublikanski turemny špital. Pra heta mnie paviedamili siońnia ŭ izalatary, kali ja zdavała leki dla Dźmitryja. Špital, darečy, ciapier znachodzicca na terytoryi izalatara na Vaładarskaha, bo na Kalvaryjskaj budynak zakryli».
U liście damoŭ Źmicier Bandarenka napisaŭ pra svaje sustrečy z pradstaŭnikami administracyi Vaładarki. Ź lista vynikaje, što viaźniu peŭny čas prapanoŭvali pieravod u kaloniju da razhladu kasacyjnaj skarhi. Źmicier Bandarenka nastojvaŭ na tym, kab jaho pačali
Kamientary